Nagpur Accident News Today: नागपूर जबलपूर राष्ट्रीय महामार्गवर यात्रेकरू ट्रॅव्हल्सचा भीषण अपघात झाला आहे. या अपघातात 10 प्रवास जखमी झाल्याची माहिती समोर आली आहे. नागपूर-जबलपूर राष्ट्रीय महामार्ग मरारवाडी जवळ ट्रॅव्हल्स चालकाला अचानक डुलकी लागल्याने हा अपघात झाल्याचे बोलले जात आहे. (Latest Marathi News)
जबलपूर कडून नागपूरच्या दिशेने देव दर्शना घेऊन परत येत असताना या ट्रॅव्हल्स अपघात झाला. अपघात झाला त्यावेळी या ट्रॅव्हल्समध्ये जवळपास 35 ते 40 यात्रेकरू होते. अपघातात जखमी झालेल्याप्रवाशांना प्राथमिक आरोग्य केंद्र मनसर येथे दाखल करण्यात आले आहे. 5 जणांना नागपूरच्या मेडिकल येथे रेफर करण्यात आले आहे. तर इतर प्रवाशी सुखरूप असल्याची माहिती आहे. (Accident News)
अपघात नेमका कसा झाला?
ट्रॅव्हल्स चालकाला पहाटे डुलकी आल्याने ही ट्रॅव्हल्स रस्त्याच्या खाली उलटले. ही घटना आज गुरुवारी पहाटे 5 वाजताच्या सुमारास घडली. या अपघातात मात्र कुठलीही जीवित हानी झालेली नाही. जबलपूरकडून नागपूरकडे देवदर्शन घेऊन परत येत असलेल्या ट्रॅव्हल्स चालकाला मरारवाडी परिसरात डुलकी आल्याने चालकाचे वाहनावरून नियंत्रण सुटले. ट्रॅव्हल्स रस्त्याच्या कडेला जाऊन उलटली. या ट्रॅव्हल्समध्ये जवळपास 35 ते 40 यात्रेकरू होते. या अपघातात 10 जण जखमी झाले असून यातील 5 जणांना नागपूर मेडिकल येथे रेफर करण्यात आले. 5 जणांवर मनसर येथे उपचार सुरू आहेत. बाकी यात्रेकरू यांना टोल प्लाझा खुमारी येथे ठेवण्यात आले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.