धुळ्यातील मुंबई-आग्रा महामार्गावर भीषण अपघात
भाजप आमदाराच्या कारची दुचाकीला धडक
अपघातामध्ये दुचाकीस्वार गंभीर जखमी
दुचाकीस्वाराची प्रकृती चिंताजनक असून रुग्णालयात उपचार सुरू
धुळ्यामध्ये भाजप आमदाराच्या कारला भीषण अपघात झाला. आमदाराच्या भरधाव कारने दुचाकीला धडक दिली. या अपघातामध्ये दुचाकीस्वार गंभीर जखमी झाला. जखमी तरुणावर रुग्णालयात उपचार सुरू असून त्याची प्रकृती चिंताजनक आहे. या घटनेमुळे धुळ्यात खळबळ उडाली. पोलिस सध्या या अपघाताचा तपास करत आहेत.
मिळालेल्या माहितीनुसार, धुळ्यातील मुंबई- आग्रा महामार्गावर भीषण अपघात झाला. रस्ता ओलांडणाऱ्या दुचाकीस्वाराला आमदार अनुप अग्रवाल यांच्या कारने धडक दिली. या धडकेत दुचाकीस्वार महामार्गावर फूटबॉलसारखा दूरवर फेकला गेला. अपघातामध्ये दुचाकीस्वार गंभीर जखमी झाला. आमदाराने स्वत:च्या वाहनांतून जखमी दुचाकीस्वाराला उपचारासाठी खासगी रुग्णालयात दाखल केले.
धुळे शहराचे भाजपाचे आमदार अनुप अग्रवाल हे शिरपूरकडे जात असताना हा अपघात झाला. मुंबई- आग्रा महामार्गावरील नगाव गावाजवळ रस्ता ओलांडत असताना दुचाकीस्वाराला आमदाराच्या कारने धडक दिली. या अपघातानंतर आमदार अग्रवाल यांनी त्यांच्या स्वतःच्या कारमधून जखमी तरुणाला तत्काळ धुळे शहरातील खासगी रुग्णालयात उपचारासाठी दाखल केले. तरुणाची प्रकृती चिंताजनक असून त्याच्यावर उपचार सुरू आहेत.
हा तरुण शेतातून घराच्या दिशेने येत होता. त्याचवेळी ही भयंकर अपघाताची घटना घडली. या अपघातामध्ये आमदाराची कार आणि दुचाकी या दोघांचे नुकसान झाले. अपघाताची माहिती मिळताच तरुणाच्या कुटुंबीयांनी रुग्णालयात धाव घेतली. तरुणाची अवस्था पाहून कुटुंबीय जोरजोरात रडू लागले. या घटनेमुळे धुळ्यात एकच खळबळ उडाली.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.