महिलेच्या बॅगेतून बाहेर आलं ड्रग्ज! मुंबई विमानतळावर १७ कोटींचं कोकेन जप्त,|VIDEO

मुंबई आंतरराष्ट्रीय विमानतळावर डीआरआयने मोठी कारवाई करत तब्बल पावणे दोन किलो कोकेन जप्त केले आहे. जप्त करण्यात आलेल्या ड्रग्जची आंतरराष्ट्रीय बाजारात किंमत तब्बल ₹१७ कोटी १८ लाख इतकी असल्याची माहिती मिळते. ही खेप घेऊन आलेली टांझानियाची एक महिला प्रवाशी अटकेत घेतली असून, तिच्या बॅगेतील पॅकेट्समध्ये कुशलतेने कोकेन लपवण्यात आले होते. तसेच तपासादरम्यान तिच्याकडे दोन कॅप्सूलमध्येही कोकेन आढळून आलं आहे. डीआरआयकडून या प्रकरणाची पुढील चौकशी सुरू असून, ड्रग्जचा स्रोत, नेटवर्क आणि या प्रकरणातील इतर सहकार्यांचा तपास सध्या सुरु आहे.