Accident News : ताम्हिणी घाटात अपघाताचा थरार, भरधाव कार ५०० फूट खोल दरीत कोसळली; तिघांचा मृत्यू

रायगडमध्ये भीषण अपघात घडला आहे. पुणे माणगाव मार्गावर ताम्हिणी घाटात एक थार कोसळली आहे. ही गाडी ५०० फूट खोल दरीत कोसळल्याने तीन जणांचा मृत्यू झाला आहे. अवघड वळणावर चालकाचा नियत्रंण सुटल्याने हा अपघात घडल्याची प्राथमिक माहिती समोर आली आहे. या घटनेचा तपास पोलीस करत असून बचाव पथकामार्फत बचावकार्य सुरु आहे.

मिळालेल्या माहितीनुसार, रायगडच्या ताम्हिणी घाट वर्दळीचा रस्ता आहे. या घाटातून नेहमीच गाड्यांची ये जा सुरु असते. या घटातील तीव्र वळणं फार धोकादायक आहेत. या घाटात बरेच अपघात यापूर्वी झाले आहेत. अशातच पुणे माणगाव मार्गावर ताम्हिणी घाटात एक थार ५०० फूट दरीत कोसळली आहे. इतक्या खोलवर गाडी कोसळल्याने गाडीतील तीन तरुणांचा जागीच मृत्यू झाला आहे.

मृत झालेल्या तीन तरुणांपैकी आणखी काही जण या गाडीत असल्याची शक्यता वर्तवण्यात आली आहे. अवघड वळणावर चालकाचा नियत्रंण सुटल्याने थार जीप ५०० फूट दरीत कोसळली असल्याचा प्राथमिक अंदाज पोलिसांनी वर्तवला आहे. अपघात झाल्यानंतर पोलिसांनी घटनास्थळी धाव घेतली असून पोलीस या घटनेचा तपास करत आहेत.

शिवाय बचाव पथकाकडून बचाव कार्य सुरु असल्याची माहिती पोलिसांनी दिली आहे. मात्र हा अपघात केव्हा झाला ? या बद्दल नेमकी माहिती नाही मात्र ड्रोन शुटमध्ये दरीत थार जिप आणि मृतदेह आढल्याने बचाव कार्य सुरु करण्यात आले आहे. पोलीस या घटनेचा सविस्तर तपास करत असून मृतदेह बाहेर काढण्याचे शर्थीचे प्रयत्न सुरु आहे.