Accident News: सांगलीच्या आष्टा येथे तीन गाड्यांचा भीषण अपघात, एक जागीच ठार; चौघांची प्रकृती चिंताजनक

Sangali: गेल्या काही दिवसांपासून सुरू असलेली राज्यातील रस्ते अपघातांची मालिका सुरूच आहे. आज सांगलीच्या आष्टा येथे तीन वाहनांचा तिहेरी अपघात घडला आहे. यामध्ये एक जण ठार तर दहा जण गंभीर जखमी झाले आहेत. तसेच जखमींमधील चौघांची प्रकृती चिंताजनक असल्याची माहिती समोर आली आहे. (Latest Marathi Update)

याबाबत समोर आलेल्या माहितीनुसार, आज सांगलीच्या आष्टा येथे तीन वाहनांचा तिहेरी अपघात घडला आहे. यामध्ये एक जण ठार तर दहा जण गंभीर जखमी झाले आहेत. तसेच जखमींमधील चौघांची प्रकृती चिंताजनक असल्याची माहिती समोर आली आहे. सांगलीच्या आष्टा येथे बागणी रोडवरील शिंदेमळ्यानजीक स्कॉर्पिओ, एर्टिगा आणि इंडिका या तीन वाहनांमध्ये भीषण अपघात झाला.

या अपघातात कवठेमहांकाळ तालुक्यातील कुची येथील माजी सरपंच संतोष पाटील हे ठार झाले आहेत. तर दहा जण गंभीर जखमी झाली आहेत, ज्यामधील चौघांची प्रकृती चिंताजनक आहे. अपघातात जखमी झालेले युवक पलूस तालुक्यातील नागठाणे आणि कवठेमहांकाळ तालुक्यातील आहेत. (Accident News)

दरम्यान, या अपघातातील जखमींना सांगलीच्या शासकीय रुग्णालयामध्ये उपचारासाठी दाखल करण्यात आले आहे. गाडी ओव्हरटेक करण्याच्या नादात हा अपघात घडला असल्याचे सांगितले जात आहे. या अपघातात तीनही गाड्यांचे मोठे नुकसान झाले असून याबाबत आष्टा पोलिस अधिक तपास करत आहेत. (Sangali News)