Bribe : रजा मंजूरीसाठी सहा हजार घेतले; मुख्याध्यापकासह लिपिक अटकेत

Bribe : शिक्षणाची पंढरी म्हणून ओळख असलेल्या लातूर येथे शिक्षिकेची रजा मंजूर करण्यासाठी लाच (bribe) घेताना एसीबीनं (acb) मुख्याध्यापक आणि लिपिकास रंगेहाथ पकडलं. या घटनेमुळे शिक्षण क्षेत्रात एकच खळबळ उडाली आहे. (Latur Latest Marathi News)

लातूर शिक्षणाची पंढरी म्हणून ओळख असताना शिक्षिकेची एक आठवड्याची अर्जित रजा मंजूर करण्यासाठी शिक्षिकेच्या पतीकडून सहा हजार रुपयांची लाच घेताना लातूर येथील सदानंद प्राथमिक शाळेचे मुख्याध्यापक आणि लिपिक या दोघांना लाचलुचपत प्रतिबंधक विभागाच्या अधिकाऱ्यांनी सापळा रचून रंगेहात अटक केली. सुधाकर पोतदार असं मुख्याध्यापक तर शशिकांत खरोसेकर असं लिपिकाचे नाव आहे.

या घटनेबाबत मिळालेली माहिती अशी - काल सायंकाळी शाळा सुटण्याच्या वेळी शाळेच्या कार्यालयात मुख्याध्यापक आणि लिपिक यांनी शिक्षिकेच्या पतीकडून एका आठवड्याची अर्जित रजा मंजूर करण्यासाठी सहा हजारांची लाच स्वीकारली. त्यावेळी त्यांना लाचलुचपत विभागाच्या अधिकाऱ्यांना त्यांना रंगेहाथ पकडलं. या घटनेमुळे लातूरच्या शिक्षण क्षेत्रात खळबळ उडाली असून या घटनेने शिक्षण क्षेत्राला गालबोट लागले आहे.

Edited By : Siddharth Latkar