Manoj Jarange: मराठा आंदोलनात गैरहजर? सहभागी न होणाऱ्या नेत्यांवर गावकीची नजर

गेल्या अनेक वर्षांपासून मराठा समाजाला आरक्षण मिळावे यासाठी संघर्ष सुरू आहे. मनोज जरांगे पाटील यांच्या नेतृत्वाखालील मराठा आंदोलन आता निर्णायक टप्प्यात पोहोचले आहे.
maratha andolan
maratha andolansaam tv
Published On

जरांगेंच्या आंदोलनात सहभागी न होणाऱ्या राजकीय नेत्यांचे एका सोशल मीडिया पोस्टमुळे धाबे दणाणले आहेत. मात्र या पोस्टमध्ये नेमकं काय आहे? मनोज जरांगेंनी राजकीय नेत्यांना काय इशारा दिलाय ते पाहूयात.

मनोज जरांगेंचं भगवं वादळ मुंबईच्या उंबरठ्यावर आलंय. मुंबईकडे निघालेल्या जरांगेंच्या आंदोलनाला गावागावात पाठींबा वाढत चाललाय. त्यातच आता एका सोशल मीडियावरच्या पोस्टने आंदोलनापासून अंतर राखणाऱ्या राजकीय नेत्यांचे धाबे दणाणले आहेत.

maratha andolan
Manoj Jarange: आझाद मैदानात मराठा आरक्षणासाठी मनोज जरांगेंचा ‘गनिमी कावा’

काय होती पोस्ट?

सोशल मीडियावर असलेल्या पोस्टमध्ये जरांगेंच्या आंदोलनात सहभागी न होणाऱ्या नेत्यांवर गावकीचं लक्ष असणार आहे. त्यासाठी जो नेता आंदोलनात सहभागी होणार नाही त्याची गावातील पत आणि राजकीय करियर उद्ध्वस्त करण्याचा इशाराच या पोस्टमधून देण्यात आलाय.

maratha andolan
Maharashtra Politics : एकनाथ शिंदेंना मोठा झटका, बड्या नेत्याने केला भाजपमध्ये प्रवेश

जो नेता समाजासाठी रस्त्यावर तोच नेता आपला, असंही या पोस्टमध्ये म्हटलंय. मात्र या पोस्टचं मूळ आहे ते मनोज जरांगेंच्या बीडच्या सभेत... जरांगेंनी बीडच्या सभेतूनच राजकीय नेत्यांवर गावकीने नजर ठेवण्याचं आवाहन केलं होतं.

maratha andolan
Amol Khatal:संगमनेरमध्ये राडा! भर कार्यक्रमात आमदार अमोल खताळ यांच्यावर हल्ला|Video

लोकसभा आणि विधानसभा निवडणुकीत जरांगेंनी आरक्षणाला पाठिंबा न देणाऱ्या नेत्यांचं करियर उद्ध्वस्त करण्याचा इशारा दिला होता. त्याचा अनेक नेत्यांना मोठा फटका बसला. आता स्थानिक स्वराज्य संस्थांच्या निवडणुकीआधी जरांगेंसह मराठा आंदोलकांनी पाठिंबा न देणाऱ्या नेत्यांना इशारा दिल्याने राजकीय नेत्यांची इकडे आड तिकडे विहीर अशी स्थिती झाली आहे. त्यामुळे आता राजकीय करियरच पणाला लागणार असल्याने मतांचं गणित जुळवण्यासाठी नेत्यांना आंदोलनात सहभागी व्हावंच लागणार, हे मात्र निश्चित.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com