Aapli Aaji : लिहिता-वाचता येत नाही, पण महिन्याला कमावते ७ लाख, नगरची 'आपली आजी' देशात फेमस, वाचा

सोशल मिडिया हे प्रसिद्धीसाठी खूप मोठं माध्यम आहे. सोशल मीडियाच्या माध्यमातून अनेकजण खूप प्रसिद्ध होतात.यामध्ये युट्यूब, इन्स्टाग्रामचा समावेश आहे. या प्लॅटफॉर्मवर आपले व्हिडिओ टाकतात. हे व्हिडिओ व्हायरल होतात त्याला मिलियनमध्ये व्ह्यूज मिळतात. या माध्यमातून अनेकजण लाखो रुपयांची कमाईदेखील करतात. अशीच एक आजी युट्यूबच्या माध्यमातून खूप प्रसिद्ध झाली. आजीने स्वतः चं युट्यूब चॅनल सुरु केलं आहे. या माध्यमातून त्या महिन्याला लाख रुपये कमवतात.

गोष्ट एका आजीची (Aapli Aaji Youtube Channel)

अहिल्यानगरच्या ७४ वर्षीय आजी सोशल मीडियावर खूप फेमस झाल्या आहेत. त्यांचे युट्युबवर लाखो फॉलोवर्स आहेत. त्यांनी वयाला कोणतंही बंधन नसतं हे संपूर्ण जगाला दाखवून दिलं आहे. अहिल्यानगरच्या ७४ वर्षीय सुमन धामणे या महिन्याला लाखो रुपये कमवतात.

सुमन धामणे यांनी नातवाच्या मदतीने युट्यूबवर आपली आजी या नावाने चॅनल सुरु केलं. त्यांचे लाखो सब्सक्रायबर्स आहेत. महिन्याला त्या ५ ते ६ लाख रुपये कमवतात.

नातवाची आयडिया अन् आजी झाली युट्यूब स्टार (Aapli Aaji Youtube Success Story)

२०२० मध्ये या आजीने स्वतः चं युट्यूब चॅनल सुरु केलं. यामागे त्यांच्या नातवाची कल्पना होती. नातवाने आजीचा पावभाजी बनवतानाचा व्हिडिओ शूट केला. त्यानंतर त्यांनी असे अनेक व्हिडिओ बनवायला सुरुवात केले. त्यांच्या आवाजातील गोडवा आणि मनोरंजक व्हिडिओने त्या सर्वांच्याच मनाला भिडल्या. त्यामुळे त्यांचे सबस्क्रायबर वाढत गेले. त्यांना युट्यूबकडून सिल्व्हर प्ले बटणदेखील मिळाले.

धामणे आजी यांचा प्रवास सोपा नव्हता. त्या कॅमेरा समोर येण्यास खूप घाबरत होत्या. त्यांना तांत्रिक गोष्टीही समज नव्हत्या. परंतु त्यांनी तरीही जिद्द सोडली नाही. नवीन गोष्टी स्विकारण्यास सुरुवात केली. त्यानंतर त्यांनी आपला प्रवास सुरु केला.आज त्यांचे लाखो फॉलोवर्स आहेत.