गडचिरोली : सध्या नक्षलवाद्यांचा (Naxalites) घातपात कालावधी सुरू आहे. मात्र या पार्श्वभूमीवर गडचिरोली पोलिसांना मोठे यश मिळाले आहे. 20 लाख बक्षीस असलेल्या एका नक्षल जोडप्याने पोलिसांपुढे आत्मसमर्पण केलं आहे. यामध्ये दीपक इष्टाम (वय 34) नामक डिव्हिजनल कमांडरचा समावेश असून, त्याने पत्नी शामबत्ती अलाम (25) सह पोलिसांपुढे आत्मसमर्पण केले आहे.
मूळ एटापल्ली तालुक्यातील (Etapalli Taluka) गडेरी गावचा कमांडर दीपक 2001 मध्ये चळवळीत सहभागी झाला होता. त्याच्यावर 16 लाखांचे बक्षीस ठेवले गेले होते. विविध महत्वपूर्ण पदे सांभाळत तो प्लाटून 21 च्या DVC पदावर पोचला. छत्तीसगडमध्ये त्याने विविध 6 मोठ्या नक्षल कारवायात 31 जवान मारले आहेत. छत्तीसगड (Chhattisgarh) राज्यातील नारायणपूर जिल्ह्यातील मूळची त्याची पत्नी श्यामबत्तीवर 2 गुन्हे दाखल आहेत. प्लाटून 21 मधील या नक्षलीवर 4 लाखांचे बक्षीस ठेवण्यात आले होते. गडचिरोली (Gadchiroli Police) पोलिसांपुढे 2019 ते आजवर 45 नक्षल्यांनी आत्मसमर्पण केले आहे.
यामध्ये पाच डीव्हीसी, 2 दलम कमांडर, 3 कमांडर व 35 नक्षलवाद्यांचा समावेश आहे. जिल्ह्यातील आजवरची एकूण आत्मसमर्पित नक्षल संख्या 649 वर पोचली आहे. वीस वर्षे नक्षल चळवळीत काम करून देखील यातील फोलपणा लक्षात आल्याने आपण आत्मसमर्पण करत असल्याची भावनिक प्रतिक्रिया कमांडर दीपक याने याप्रसंगी व्यक्त केली. गेली वीस वर्षे तो स्वतःच्या कुटुंबालाही भेटू शकलेला नाही.
Edited By - Jagdish Patil
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
