मतदारांवर 'पैशांचा पाऊस' पाडला जाऊ नये, यासाठी निवडणूक आयोग डोळ्यात तेल घालून लक्ष ठेवत आहे. मात्र त्याच वेळी सांगली जिल्ह्यात एका ओढ्यामध्ये लाखो रुपयांची रोकड सापडल्यामुळे एकच खळबळ उडाली आहे. सध्याच्या महागाईच्या जमान्यात पैशांवर कुणाचा जीव नसतो. कधी तेलाचा, धान्याचा किंवा जीवनावश्यक वस्तू असलेले वाहन रस्त्यावर अपघाताने उलटले तरी ते घेण्यासाठी स्थानिक नागरिकांची अक्षरशा झुंबड उडते.
हे आपण अनेकदा पाहिलं असेल..अशीच एक घटना सांगलीच्या आटपाडीत घडली आहे. पण इथं चक्क नोटा वाहून आल्यात आणि त्याही पाचशेच्या...मग काय पैसे घेण्यासाठी नागरिकांची धडपड सुरु झाली. अगदी म्हातारे-कोतारेही ओढ्यापाशी जमले
सांगलीच्या आटपाडीत अंबाबाई मंदिर परिसरात गदिमा पार्कच्या समोरून जाणाऱ्या ओढ्याच्या पाण्यातून चक्क पाचशे रुपयांच्या नोटा वाहून आल्याची बातमी वाऱ्यासारखी पसरली. मग काय सगळ्यांनी ओढ्याच्या पुलाकडे धाव घेतली. तात्या किती नोटा काढल्या ? अशी विचारणाही सुरु झाली.शनिवारचा बाजार असल्यानं या परीसरात अगोदरच गर्दी होती. पाचशेची नोट मिळाल्यावर ही महिला काय म्हणते पाहा.
आपल्यालाही एक नोट मिळावी म्हणून अनेकजण धडपड करु लागले. ओढ्यातला कचरा बाजुला करु लागले. तर पुलावर बघणारेही जमले होते. पैसा बोलता है म्हणतात. त्यामुळे ज्यांना मिळाले त्यांनी शनिवारचा बाजार भरभरुन केला. ज्यांना नोट मिळाली नाही त्यांचा हिरमोड झाल. दरम्यान या नोटा कोणाच्या आहेत. ओढ्यात कुठून आल्या ? याचा शोध घेतला जात आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.