संभाजीनगर: विजेच्या कडकडाटाने भेदरून ९ वर्षीय बालकाचा मृत्यू

- रामनाथ ढाकणे

Chhatrapati Sambhajinagar News :

पावसापासून सरंक्षण व्हावे या हेतुने लिंबाच्या झाडाखाली आडोशाला आजोबांसह थांबलेल्या बहीण भावांपैकी एका नऊ वर्षीय बालकाच्या काही अंतरावर वीज पडली. यामुळे बालक भेदरला आणि त्यातच त्याचा मृत्यू झाल्याची घटना छत्रपती संभाजीनगर जिल्ह्यात घडली. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

छत्रपती संभाजीनगर जिल्ह्यातील आडूळ येथे सायंकाळी, रात्रीच्या वादळीवारासह पाऊस झाला. यावेळी विजेच्या कडकडाट ही हाेत हाेता. सिद्धेश्वर अंकुश पाचे (वय 9) हा त्याच्या आजाेबांसमवेत शेतीवर गेला हाेता. (Maharashtra News)

आडूळ येथे सायंकाळी अचानक पाऊस सुरु झाला. त्यापासून सरंक्षणासाठी सर्वजण लिंबाच्या झाडाखाली आडोशाला थांबले. त्याच वेळी काही अंतरावर वीज पडली. त्यात सिद्धेश्वर भेदरला. त्याला रुग्णालयात नेण्यात आले. तेथे त्याचा मृत्यू झाल्याचे वैद्यकीय अधिका-यांनी सांगितले. या घटनेने पाचे कुटुंबांना माेठा धक्का बसला आहे.

Edited By : Siddharth Latkar