मराठवाड्यातील 57 विद्यार्थी युक्रेनमध्ये अडकले!; प्रत्येक जिल्ह्यात हेल्पलाइन नंबर जारी

माधव सावरगावे

औरंगाबाद: मराठवाड्यातील ५७ विद्यार्थी युक्रेनमध्ये अडकले असल्याची माहिती विभागीय आयुक्त कार्यालयाने दिलीये. लातूर जिल्ह्यातील २१, नांदेड जिल्ह्यातील २१, जालना जिल्ह्यातील ७, उस्मानाबाद जिल्ह्यातील ६ आणि औरंगाबाद जिल्ह्यातील २ विद्यार्थी आहेत. हे सर्व विद्यार्थी युक्रेनमध्ये एमबीबीएसचे शिक्षण घेत आहेत.

आतापर्यंत पालकांनी दिलेल्या माहितीनुसार ही आकडेवारी समोर आली आहे. ज्या पालकांना मदत हवी आहे किंवा ज्यांची मुलं युक्रेनमध्ये आहेत, त्यांनी प्रत्येक जिल्ह्यात हेल्पलाइन देण्यात आली आहे, त्याठिकाणी संपर्क साधण्याचे आवाहन केले आहे. सध्या रशिया आणि युक्रेनच्या युद्धामुळे युक्रेन या देशात अनेक भारतीय नागरीक आणि विद्यार्थी अडकल्याची शक्यता वर्तविण्यात आलेली आहे. भारतीय नागरीकांच्या मदतीसाठी नवी दिल्ली येथे हेल्पलाईन्स सुरू करण्यात आलेली आहे. त्याशिवाय मराठवाड्यातील प्रत्येक जिल्ह्यात नियंत्रण कक्ष स्थापन करण्यात आला आहे. औरंगाबाद विभागातील कोणतेही नागरीक किंवा विद्यार्थी युक्रेन या देशात अडकले असल्यास त्या-त्या जिल्ह्यातील जिल्हाधिकारी कार्यालय येथील नियंत्रण कक्षास संपर्क साधावा, असे सांगण्यात आले आहे.

हेल्पलाईनसाठी संपर्क क्रमांक :

औरंगाबाद जिल्ह्यातील नियंत्रण कक्ष क्रमांक ०२४०-२३३१०७७ आणि जिल्हा आपत्ती व्यवस्थापन अधिकारी अजय चौधरी ९९७०९७७४५२ यांच्याशी संपर्क साधावा.

नांदेड - ०२४६२-२३५०७७ - किशोर कुर्ह ९४२२८७५८०८

उस्मानाबाद - ०२४७२-२२५६१८ - वृषाली तेलोरे - ९६६५०३१७४४

लातुर - ०२३८२-२२०२०४/ २२३००२ - साकेब उस्मानिया ९९७५४०५२२७

बीड - ०२४४२२२२६०४ - जोशी - ९४२१३४५१६५

परभणी - ०२४५२-२२६४०० - पवन खांडके - ९९७५०१३७२६

हे देखील पहा-