सागवानची तस्करी करणाऱ्या टोळीतील ३ सदस्यांना अटक तर २ फरार

गोंदिया: सागवानाची तस्करी करणाऱ्या टोळीच्या ३ सदस्यांना नवटोली जंगल परिसरातून अटक करण्यात गोंदिया जिल्ह्याच्या सालेकसा वनविभागाला यश मिळाले असून २ आरोपी फरार झाले असून फरार आरोपींचा शोध सुरु आहे. (3 members of teak smuggling gang arrested, 2 absconding)

हे देखील पहा -

अटक करण्यात आलेल्या आरोपीत जगत बसोने, जोहन बसोने, पूंजाराम लिल्हारे यांचा समावेश असून नीलेश उपराडे व प्रमोद सद्धा फरार असून वन विभागाद्वारे आरोपीच्या शोध सुरु आहे. गोंदिया जिल्ह्याच्या सालेकसा तालुक्यातील नवाटोला जंगल परिसरात अनेक दिवसांपासून सागवान लाकडाची कटाई करून तस्करी केली जात असल्याची माहिती वनविभागाला मिळाली होती. त्या आधारे वनविभागाची टीम व वनव्यवस्थापन समितीच्या लोकांनी नवाटोला जंगलात गस्त घालत सागवन तस्करी करणाऱ्या तीन लोकांना अटक केली आहे.

तर त्यांच्याकडून 47 हजार रुपयांचा लाकूड जप्त करण्यात आला आहे. यात दोन आरोप फरार असून त्यांचा शोध वनविभागाची टीम करत आहे.

Edited By - Akshay Baisane