खेळ बेतला जीवावर! १२ वर्षांच्या मुलाचा खेळताना रुमालाचा गळफास लागून मृत्यू

बुलढाणा: बुलढाण्यात (Buldana) एक धक्कादायक प्रकार समोर आला आहे. खांबाला रुमाल बांधून खेळत असताना रुमालाचा गळफास लागून एका १२ वर्षीय मुलाचा मृत्यू झाल्याची घटना काल घडली आहे. खामगाव (Khamgaon) शहरातील (city) मीरा नगर परिसरात ही धक्कादायक घटना घडली आहे. ही बाब आई वडिलांच्या लक्षात येताच त्यांनी मुलाला त्यातून बाहेर काढून रुग्णालयात (hospital) दाखल केले आहे.

हे देखील पाहा-

रुग्णालयात (hospital) पोहोचण्याअगोदरच मुलाचा मृत्यू झाला होता. पुर्वेश आवटे असे मृत मुलाचे नाव आहे. तो नेहमी मोबाईलवर (mobile) युट्युब, इन्स्टाग्रामवर (Instagram) सक्रिय राहत असल्याची माहिती त्याच्या कुटुंबीयांनी (family) यावेळी दिली आहे. पुर्वेश आवटे हा परिवारात एकुलता एक मुलगा होता.

या दुर्दैवी घटनेमुळे त्याचा मृत्यू झाल्याने संपूर्ण गाव हेलावून गेले आहे. पुर्वेशने आईला मी अंगणात खेळतो असे सांगून बाहेर पडला होता. आडव्या लोखंडी खांबाला रुमाल बांधून खेळत असताना हा दुर्देवी प्रकार घडल्याचे समोर आले आहे. खामगाव पोलीस (Police) आता याची चौकशी करत आहे. दरम्यान या घटनेनंतर खामगावसह परिसरात खळबळ उडाली आहे.

Edited By- Digambar Jadhav