Supriya Sule : अजित पवारांना फाईल दाखवली कशी? देवेंद्र फडणवीसांवर केस करणार, सुप्रिया सुळेंचा इशारा

Supriya Sule on Devendra Fadnavis : देवेंद्र फडणवीस यांच्यावर केस करणार असल्याचं वक्तव्य खासदार सुप्रिया सुळे यांनी केले आहे. निवडणूक संपण्याची वाट पाहतेय, त्यानंतर केस करणार असल्याचा इशारा दिलाय. देवेंद्र फडणवीस यांनी जाहीर माफी मागावी, अशी मागणी सुप्रिया सुळे यांनी केलेय.

७० हजार कोटींच्या घोटाळ्याच्या तपासाच्या फाईलवर सही तुम्ही केली. संविधानावर हात ठेवून शपथ घेतली. ती फाइल तुम्ही घरी कशी मागवली, ज्या अजित पवारांवर तुम्ही आरोप केला, त्यांना फाईल कशी दाखवली? मला याचं उत्तर पाहिजे, राज्याला याचं उत्तर पाहिजे. देवेंद्र फडणवीस यांनी आपल्याला फसवलं आहे. मी निवडणूक संपण्याची वाट पाहतेय, केस करणार, असा सूचक इशारा सुप्रिया सुळे यांनी भरसेभत दिला.

कधीतरी खरं बोला, खोटा बोला अन् रेटून बोला.. घोटाळा झाला की नाही, यापेक्षा मुख्यमंत्र्यांनी फाईल दाखवलीच कशी? याचं उत्तर हवेय, असा सवाल सुप्रिया सुळे यांनी उपस्थित केला.

देवेंद्र फडणवीस यांनी फाईल का दाखवली, याचं उत्तर दिलं पाहिजे, अशी टीका सुप्रिया सुळे यांनी केली. त्यांना राज्याला उत्तर द्यावं लागेल. कारण देवेंद्र फडणवीस यांनी संविधानाची शपथ घेतलेली आहे. राज्याचे मुखमंत्री असतो, फाईल्स कोणाला दाखवण्याचा अधिकार नाही. ज्या व्यक्तीवर आपण केस करतो, त्या व्यक्तीला आपण बोलवून फाईल दाखवली. हे योग्य आहे? हा संविधानाचा अपमान आहे. आमचं सगळ्याच म्हणणं आहे की याचं उत्तर स्पष्टीकरण देवेंद्र फडणविस यांनी दिलं पाहिजे.