Pune News : पुण्यात महायुतीमध्ये बिघाडी होण्याची शक्यता आहे. कोथरुडमधील जागेवरुन राष्ट्रवादी काँग्रेस आणि भाजप आमनेसामने येण्याची शक्यता आहे. कोथरुडमध्ये सध्या भाजपचे चंद्रकांतदादा पाटील आमदार आहेत. या जागेवर आता राष्ट्रवादीच्या विजय डाकले यांनी मोर्चेबांधणी सुरु केली आहे. त्यामुळे कोथरुडमध्ये महायुतीमध्ये बिघाडी होण्याची शक्यता वर्तवण्यात आली आहे.
राष्ट्रवादी काँग्रेस पार्टीचे माजी शहराध्यक्ष व प्रदेश उपाध्यक्ष विजय डाकले यांनी आज कोथरुड मधून निवडणूक लढवणार असल्याचे सांगितले आहे. प्रसारमाध्यमांशी बोलताना डाकले म्हणाले की, "मागील विधानसभा निवडणुकीवेळी राष्ट्रवादीचे नेते अजितदादा पवार यांनी आपली उमेदवारी घोषित केली होती. परंतु नंतर माघार घेण्यास सांगितले. तसेच सध्या कोथरूडमध्ये रस्ते , कचरा वाहतूक सह अनेक प्रश्न तसेच आहेत."
कोथरुडमध्ये सतत वेळ देणारा आमदार हवा अशी कोथरुडकरांची इच्छा आहे. त्यामुळे आम्ही पक्षाच्या वरिष्ठ नेतृत्व अजितदादा पवार ,प्रदेशाध्यक्ष सुनील तटकरे यांना कार्यकर्त्यांच्या भावना कळवल्या आहेत, असेही डाकले यांनी सांगितले.
कोथरुड मतदारसंघात राष्ट्रवादी तसेच इतर पक्ष संघटनाच्या कार्यकर्त्यांनी आपल्याला निवडणूक लढण्यादाठी आग्रह करित असल्याचे डाकले यांनी सांगितले आहे. त्यामुळे कोथरूड मतदारसंघात महायुतीमध्ये बिघाडी होण्याची शक्यता वर्तवली जात आहे . त्यातच विजय डाकले यांनी फेसबुक लाईव्ह करीत आपण निवडणुकीसाठी तयार असल्याचे जाहीर केले आहे. तसेच त्यांनी कोथरुड मतदारसंघात गाठीभेटी आणि विविध कार्यक्रम राबवण्याचा जोरदार सपाटा लावला आहे. आता भाजप आणि चंद्रकांत पाटील काय भूमिका घेतात? अजित पवार वेगळा निर्णय घेणार का? याची चर्चा कोथरुडमध्ये सुरु आहे.
हडपसर विधानसभा मतदारसंघावर शिवसेनेचा दावा
हडपसर भागात शिवसेनेचे फ्लेक्स
"हडपसर मतदारसंघ हा शिवसेनेचाच" असा मजकूर या फ्लेक्स वर लिहण्यात आला आहे
शिवसेना शहर प्रमुख नाना भानघिरे यांचा सुद्धा त्यावर फोटो लावण्यात आला आहे
सध्या महायुती मध्ये हडपसर विधानसभा मतदारसंघ अजित पवारांच्या राष्ट्रवादीकडे आहे
चेतन तुपे हे सध्या राष्ट्रवादी काँग्रेस चे आमदार
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.