Maharashtra Assembly Elections Date Live Update: दोन फेजमध्ये निवडणुका होण्याची शक्यता - रामदास आठवले

दोन फेजमध्ये निवडणुका होण्याची शक्यता आहे. महायुती आणि महाविकास आघाडीत मुख्य लढत आहे. हरियाणात आम्हाला चांगले यश मिळाले. तिथे काँग्रेस येईल असे रिपोर्ट होते मात्र आम्ही आलो. महाराष्ट्रात मविआ येणार असल्याचे बोलले जाते मात्र वातावरण बदलले आहे. महाराष्ट्रात आम्हाला यश मिळेल, असे रामदास आठवले म्हणाले.

निवडणूक आयोगाच्या पत्रकार परिषदेच्या पार्श्वभूमीवर आज होणारी महायुतीची पत्रकार परिषद पुढे ढकलण्यात आली आहे.

आचारसंहिता जाहीर होत आहे, निवडणुका देखील जाहीर होईल अशी अपेक्षा आहे. याआधीच निवडणूक होईल असे वाटत होतं पण तसं झालं नाही. आमच्या पक्षाची तयारी पूर्ण झाली आहे, असे अमोल कोल्हे म्हणाले.

राज्यात आज आचारसंहिता घोषित होण्याची शक्यता असल्याने मंत्र्यांची उद्घाटने आणि भूमीपूजनसाठी धावपळ सुरू आहे. महाराष्ट्र सरकार तर्फे मुंबईत पुण्य श्लोक अहिल्यादेवी भवन बांधण्यात येत आहे. मुंबईच्या मानखुर्द परिसरात हे भवन उभे राहणार आहे. आज यचा गडबडीने भूमीपूजन सोहळा करण्यात आला. या सोहळ्यासाठी पालकमंत्री मंगल प्रभात लोढा, आमदार गोपीचंद पडळकर उपस्थित होते. मुंबई उपनगर जिल्हा नियोजन समिती मार्फत ४७ कोटी रुपये खर्च करून मानखुर्द येथे बाल कल्याण विभागाच्या जागेवर हे भवन उभारले जाणार आहे. या भवनात अहिल्या देवींचा पूर्णकृती पुतळा, महिला आणि बाल कल्याण विभागाची विविध कार्यालय, सभागृह , महिलांना मार्गदर्शन केंद्र, विश्राम गृह अश्या विविध सुखसुविधा असणार आहेत.या भवनासाठी आमचे सरकार आल्यावर १०० कोटी ही देवू, हे भवन मतांचा नाही भावनेचा विषय असल्याचे लोढा म्हणाले.

विधानसभेच्या एकूण जागा २८८

महायुतीकडे सध्या १८७ जागा

भाजप - १०५

शिवसेना (एकनाथ शिंदे) - शिंदे ४०

राष्ट्रवादी (अजित पवार) -४२

महाविकास आघाडी ७२ जागा -

काँग्रेस - ४४

शिवसेना ठाकरे गट - १६

राष्ट्रवादी शरद पवार - १२

EC Assembly Elections Poll Date Annoucemnt Live: महाराष्ट्र झारखंडमध्ये आजपासूनच लागणार विधानसभेची आचारसंहिता ..दुपारी केंद्रीय निवडणूक आयोगाची पत्रकारपरिषद .