- रणजीत माजगावकर
पक्षाने आदेश दिला तर शौमीका महाडिक हातकणंगले लाेकसभा मतदारसंघातून निवडणूकीच्या रिंगणात दिसतील असे ठाम मत भाजप खासदार धनंजय महाडिक यांनी साम टीव्हीशी बाेलताना व्यक्त केले. दरम्यान महायुतीमध्ये हातकणंगले लाेकसभा मतदारसंघातून विद्यमान खासदार धैर्यशील माने निवडणुक लढविण्यास इच्छुक आहेत. महाडिक यांच्या निवडणुक लढण्याच्या पावित्र्याने हा मतदारसंघ काेणाच्या पारड्यात पडताे हे आज (गुरुवार) निश्चित हाेणार असल्याचे समजते. (Maharashtra Lok Sabha Election News in Marathi)
सद्यस्थितीत कोल्हापूर (kolhapur lok sabha constituency) आणि हातकणंगले लोकसभा मतदारसंघ हा शिवसेनेकडे आहे. मुख्यमंत्री एकनाथ शिंदे (cm eknath shinde) यांनी उमेदवारी दिल्याचे संकेत खासदार संजय मंडलिक (mp sanjay mandlik) हे माध्यमांना सांगत आहेत. मध्यप्रदेशचे माजी मुख्यमंत्री शिवराजसिंह चौहान यांनी कोल्हापूर दौऱ्यावर असताना त्यांच्याकडे भाजप पदाधिकाऱ्यांनी दोन पैकी एक मतदार संघ भाजपकडे घ्यावा अशी मागणी केली हाेती.
आगामी विधानसभा निवडणुकीत भाजप घराघरात पोहोचण्यासाठी एक जागा लोकसभा लढवण्याची पदाधिकाऱ्यांची भूमिका आहे. त्यातच शौमिका महाडिक यांना जर पक्षाने आदेश दिला तर शौमीका महाडिक हातकणंगलेच्या निवडणूक रिंगणात असतील असे धऩंजय महाडिक यांनी स्पष्ट केले आहे.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
