Nashik Land Scam: नाशकात भूखंडाचं श्रीखंड कोणी खाल्लं? 800 कोटींचा घोटाळा, राऊतांचा थेट मुख्यमंत्री शिंदेवर निशाणा

Maharashtra Politics: पंतप्रधान नरेंद्र मोदींच्या नाशिक दौऱ्यासाठी एकीकडे भाजपसह महायुतीकडून जोरदार तयारी सुरू आहे. मात्र त्यापूर्वीच खासदार संजय राऊतांनी मोठ्ठा बॉम्ब फोडलाय.
Sanjay Raut On CM Eknath Shinde
Sanjay Raut On CM Eknath ShindeSaam Tv

Sanjay Raut On CM Eknath Shinde:

>> तन्मय टिल्लू

पंतप्रधान नरेंद्र मोदींच्या नाशिक दौऱ्यासाठी एकीकडे भाजपसह महायुतीकडून जोरदार तयारी सुरू आहे. मात्र त्यापूर्वीच खासदार संजय राऊतांनी मोठ्ठा बॉम्ब फोडलाय. मुख्यमंत्री एकनाथ शिंदे राज्याचे नगरविकास मंत्री असताना नाशिक महापालिकेमध्ये 800 कोटींचा कथित जमीन घोटाळा झाल्याचा गंभीर आरोप त्यांनी केलाय.

या घोटाळ्याचे लाभार्थी मुख्यमंत्री एकनाथ शिंदेच असल्याचा दावा राऊतांनी केलाय. याबबात त्यांनी पंतप्रधान नरेंद्र मोदी आणि उपमुख्यमंत्री देवेंद्र फडणवीस यांना पत्र पाठवलंय.

Sanjay Raut On CM Eknath Shinde
Mumbai News: मुंबईकरांचं मरण, होर्डिंगवरून राजकारण; भुजबळ ठाकरेंच्या पाठीशी, भाजप पडले तोंडघशी

बिल्डरांच्या घशात जमिनी घालून शिंदेंच्या काळात 800 कोटींचा घोटाळा, असा आरोप राऊत यांनी केला आहे. पंतप्रधान मोदींना पाठवलेल्या पत्राच्या प्रती सीबीआय, ईडी, आयकर विभाग, तसंच महाराष्ट्रातील भ्रष्टाचारविरोधी विभागाला पाठवण्यात आल्या आहेत. राऊतांनी आपल्या पत्रात नेमकं काय म्हटलंय जाणून घेऊ.

राऊतांचा लेटरबॉम्ब

राऊतांनी आपल्या पत्रात म्हटलं आहे की, विद्यमान मुख्यमंत्री आणि तत्कालीन नगर विकास मंत्री एकनाथ शिंदे यांच्या आदेशाने नाशिक महापालिकेमार्फत खासगी वाटाघाटीद्वारे भूसंपादनाचे अर्थात जमिनी ताब्यात घेऊन विकत घेण्याचे अनेक प्रस्ताव मंजूर करण्यात आले. यात नाशिक शहरातील ठराविक बिल्डरांचे आर्थिक हित डोळ्यांसमोर ठेवून त्यांनाच 700 कोटी रुपये जमिनींचा मोबदला म्हणून वाटप करून मोठा घोटाळा करण्यात आला. या संपूर्ण घोटाळ्याप्रकरणी आर्थिक गुन्हे शाखेत गुन्हा दाखल करण्यात यावा. तसेच एसआयटी, ईडी, सीबीआय, एसीबीमार्फतही चौकशी व्हावी, अशी मागणी राऊतांनी केलीय. मात्र हे सर्व आरोप शिंदे गटानं फेटाळून लावले आहेत.

Sanjay Raut On CM Eknath Shinde
Special Story: गॅस भरायला पंपावर गेले आणि एका क्षणात सगळं संपलं! घाटकोपर दुर्घटनेनं नालासोपाऱ्याचं कुटुंब पोरकं केलं

दरम्यान, पंतप्रधान मोदींच्या नाशकातल्या सभेपूर्वीच राऊतांनी हा लेटरबॉम्ब फोडल्यामुळे निवडणुकीचं वारं फिरण्याची शक्यता आहे. त्यामुळे आता राऊतांच्या आरोपांना उत्तर देण्यासाठी महायुती कोणतं अस्त्र काढणार याबाबत उत्सुकता आहे.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com