वंचितच्या प्रकाश आंबेडकर यांनी सुप्रिया सुळे आणि विशाल पाटील यांना लोकसभा निवडणूकीत दिलेल्या पाठींब्यावरून ओबीसी नेत्यांनी जाहीर नाराजी व्यक्त करत निषेध व्यक्त केला आहे. सुप्रिया सुळे आणि विशाल पाटील वंचित कसे ? असा संतप्त सवाल ओबीसी बहुजन पार्टीच्यावतीने करण्यात आला आहे. (Maharashtra Lok Sabha Election News in Marathi)
ओबीसी बहुजन पार्टीचे सांगली लोकसभेचे उमेदवार प्रकाश शेंडगे म्हणाले वंचितने घेतलेला निर्णय हा राज्यातील ओबीसी जनतेच्या दृष्टीने धक्कादायक आहे. त्यामुळे महाराष्ट्रातील ओबीसी समाजात प्रचंड असंतोषाची लाट निर्माण झाली आहे. आंबेडकरांचा हा निर्णय आंबेडकर वाद व आरक्षण वाद विरोधात असल्याची भावना देखील निर्माण झाली असल्याची टीका शेंडगे यांनी केली आहे. ते सांगली येेथे बोलत होते.
त्याच बरोबर ओबीसी नेत्यांनी प्रकाश आंबेडकरांच्या निर्णयाचा निषेध व्यक्त करत आंबेडकर जर प्रस्थापित मराठा नेत्यांना भावनेच्या भरात पाठिंबा देत असतील तर तुमच्या धोरणांचा आणि पक्षाचा विचार करावा लागेल असा इशारा ओबीसी नेते लक्ष्मण गायकवाड आणि मच्छिद्र भोसले आदी नेत्यांनी दिला आहे.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
Edited By : Siddharth Latkar
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.