Success Story : पारंपरिक शेतीला बगल देत लोहगावचा युवा शेतकरी झाला लखपती, टरबुज लागवडीतून साधली प्रगती

- संजय सूर्यवंशी

Nanded News :

पारंपरिक शेती करणे टाळून फळबाग लागवड करुन लाखाे रुपये कमाविता येऊ शकतात असे नांदेड जिल्ह्यातील बिलोली (biloli) तालुक्यातील लोहगाव (Lohagaon Nanded) येथील युवा शेतकरी पंडित चिंचोले यांनी दाखवून दिले आहे. चिंचाेले यांनी टरबूज शेतीतून (tarbooj farming) भरघाेस उत्पन्न मिळविले आहे.(Maharashtra News)

पंडित चिंचोले यांचे बी.एससी पर्यंत शिक्षण झाले. त्यानंतर त्यांनी शेतीत लक्ष घातले. त्यांनी पारंपरिक शेती न करता फळबाग शेती करण्याचा निर्णय घेतला. चिंचोले यांची एकूण पाच एकर शेती आहे. या पाच एकर शेतीपैकी दीड एकर शेतीत युवा शेतक-याने टरबुजाची लागवड केली.

दीड एकर शेतीत टरबुजाची लागवड करताना त्यांनी योग्य नियोजन केले. बेड पद्धत अवलंबून त्यावर मलचींगचा वापर त्यांनी केला. यासाठी त्यांना सव्वा लाख खर्च आला. हा खर्च वगळता त्यांना तीन ते साडेतीन लाख रुपये उत्पन्न मिळण्याची अपेक्षा आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

इतर शेतकऱ्यांनीही आपल्या शेतीत वेगवेगळे प्रयोग करून आपला आर्थिक स्तर सुधरावा असे आवाहन पंडीत चिंचोले यांनी युवा शेतकऱ्यांना केले आहे.

Edited By : Siddharth Latkar