Ajit Pawar, Eknath Shinde, Devendra Fadanvis
Ajit Pawar, Eknath Shinde, Devendra FadanvisSaam Tv

Maharashtra Lok Sabha : महायुतीचा महाफॉर्म्युला फायनल! पक्ष, उमेदवार आणि प्रमुख लढतींचं चित्र स्पष्ट

Lok Sabha Election 2024: राज्यात आणि देशात लोकसभा निवडणुकीसाठीच्या मतदान प्रक्रियेचे दोन टप्पे पार पडले आहेत. यातच राज्यात अखेर महायुतीच्या जागावाटपाचे चित्र स्पष्ट झाले आहे. महायुतीत 48 जागांचे वाटप पूर्ण झाले आहे.

Maharashtra Lok Sabha :

राज्यात आणि देशात लोकसभा निवडणुकीसाठीच्या मतदान प्रक्रियेचे दोन टप्पे पार पडले आहेत. यातच राज्यात अखेर महायुतीच्या जागावाटपाचे चित्र स्पष्ट झाले आहे. महायुतीत 48 जागांचे वाटप पूर्ण झाले आहे.

महायुतीत अनेक दिवसांपासून काही जागांवर तिढा कायम होता. यामध्ये प्रामुख्याने नाशिक, छत्रपती संभाजीनगर आणि ठाणे या लोकसभेच्या जागेवरून रस्सीखेच सुरु होती. तर पालघरच्या जागेवर भाजपने दावा केला होता. यातच पालघरची जागाही भाजपचीच असल्याचं भाजप प्रदेशाध्यक्ष चंद्रशेखर बावनकुळे यांनी स्पष्ट केलं आहे. याठिकाणी उमेदवाराची घोषणा लवकरच केली जाईल, अशी शक्यता वर्तवली जात आहे.

Ajit Pawar, Eknath Shinde, Devendra Fadanvis
Nashik Election : नाशिकचा तिढा सुटला, पण वेढा कायम!; भुजबळ समर्थक नाराज, समता परिषदेनं उमेदवाराचं नावच सांगितलं

महाराष्ट्रात महायुतीचा फॉर्म्युला

राज्यात भारतीय जनता पक्ष 28 जागांवर लोकसभा निवडणूक लढवणार आहे. तर शिवसेना शिंदे गट 15 जागांवर आपले उमेदवार उभे करणार आहे. तसेच राष्ट्रवादी अजित पवार गटाला महायुतीत 4 जागा देण्यात आल्या आहेत आणि महादेव जानकर यांना 1 जागा देण्यात आली आहे.

नाशिकची जागा शिंदे गटालाच!

दरम्यान, गेल्या अनेक दिवसांपासून महायुतीत नाशिकची जागा कोणाला मिळणार याची चर्चा राजकीय वर्तुळात रंगली होती. शिंदे गट आणि अजित पवार गटाकडून सातत्याने या जागेवर दावा केला जात होता. या जागेवरून स्वतः मंत्री छगन भुजबळ इच्छुक होते, असं बोललं जात होतं. मात्र अखेर ही जागा शिंदे गटाला सुटली आहे. आज येथून शिंदे गटाने येथून हेमंत गोडसे यांना उमेदवारी जाहीर केली आहे.

Ajit Pawar, Eknath Shinde, Devendra Fadanvis
Rupali Ganguly Joins BJP: मोठी बातमी! 'अनुपमा' फेम अभिनेत्रीची राजकारणात एन्ट्री, हाती घेतले कमळ

गोडसे यांचं नाव जाहीर झाल्यानंतर छगन भुजबळ यांचे कार्यकर्ते नाराज झाल्याचं सांगण्यात येत आहे. येथून भुजबळ यांनी निवडणूक लढवावी, अशी स्थानिक कार्यकर्त्यांची इच्छा होती. आता येथून समता परिषदेचे उपाध्यक्ष दिलीप खैरे हे देखील निवडणुकीच्या रिंगणात उतरणार आहे, अशी माहिती समोर आली आहे. यामुळे येथे तिरंगी लढत पाहायला मिळू शकते.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com