Nagpur Loksabha Election 2024: जगातील सर्वात कमी उंचीच्या महिलेने बजावला मतदानाचा हक्क

Jyoti Amage Cats Vote: गिनीज वर्ल्ड रेकॉर्डमध्ये नावाची नोंद झालेली ज्योतीने आपल्या कुटुंबीयांसोबत मतदानाचा हक्क बजावला. मतदान केल्यानंतर तिने नागरिकांनाही मतदान करण्याचे आवाहन केले. ज्योतीने जनतेला आवाहन करून मतदान करणे हे आपले कर्तव्य असल्याचं देखील सांगितलं.
Jyoti Amage
Jyoti AmageSaam Tv

लोकसभा निवडणुकीच्या (Loksabha Election 2024) पहिल्या टप्प्यासाठी आज २१ राज्यांतील १०२ मतदारसंघांमध्ये मतदान प्रक्रिया पार पडली. यामध्ये महाराष्ट्रातील एकूण ५ मतदारसंघांचा समावेश होता. महाराष्ट्रातील नागपूरमध्ये आज लोकसभेसाठी मतदान पार पडले. जगातील सर्वात कमी उंचीची महिला ज्योती आमगेने नागपुरात मतदान केले. गिनीज वर्ल्ड रेकॉर्डमध्ये नावाची नोंद झालेली ज्योतीने आपल्या कुटुंबीयांसोबत मतदानाचा हक्क बजावला. मतदान केल्यानंतर तिने नागरिकांनाही मतदान करण्याचे आवाहन केले. ज्योतीने जनतेला आवाहन करून मतदान करणे हे आपले कर्तव्य असल्याचं देखील सांगितलं.

मतदान करण्यासाठी ज्योती आमगे लाल रंगाच्या फ्रॉकमध्ये आली होती. मतदान करुन मतदान केंद्राबाहेर आल्यानंतर ज्योतीने आपल्या बोटावरील शाई दाखवत मीडियासमोर पोझ दिल्या. ज्योती किसनजी आमगेचा जन्म नागपूरमध्ये झाला. ज्योतीची उंची फक्त २ फूट आहे. तिचे वजन साडेपाच किलो इतकेच आहे. जगातील सर्वात कमी उंचीची महिला म्हणून तिची ओळख आहे. ज्योती आमगेच्या नावाची नोंद गिनीज बुक ऑफ वर्ल्ड रेकॉर्डमध्ये करण्यात आली आहे. तिने दोन वेळा विश्वविक्रम आपल्या नावावर केले आहेत.

Jyoti Amage
Sandipanrao Bhumre: छत्रपती संभाजीनगरमध्ये दोन शिवसैनिक आमने-सामने, चंद्रकांत खैरे विरुद्ध संदीपान भुमरे यांच्यात लढत

ज्योती आमगेला ॲकॉन्ड्रोप्लासिया नावाचा आजार झाला आहे. त्यामुळे एका विशिष्ट उंचीच्या पुढे तिची उंची वाढली नाही. कमी उंचीमुळे ज्योतीला खूप चिडवले गेले. पणनंतर ज्योतीला कमी उंचीमुळे खूप प्रसिद्धी मिळाली. ज्योती नागपूरमध्ये आपले आई, वडील, भाऊ आणि वहिनीसोबत राहते. ज्योतीने एका मुलाखतीमध्ये तिला लग्न करायचे नाही नसून अविवाहित राहायचे असल्याचे सांगितले होते.

Jyoti Amage
Navneet Rana : मोदींची हवा, या फुग्यात कोणी राहू नये; नवनीत राणांच्या वक्तव्याने राजकीय वर्तुळात खळबळ

ज्योती आमगेच्या आधी ब्रिजेट जॉर्डनने जगातील सर्वात कमी उंचीच्या महिलेचा मान पटकावला होता. 2009 मध्ये ज्योतीला जगातील सर्वात कमी उंचीची महिला ही पदवी मिळाली होती. ज्योती बिग बॉस सीझन 6 मध्ये दिसली होती. त्यानंतर ज्योतीला लोकांचे खूप प्रेम मिळाले. यासोबतच ती अमेरिकेत बनलेल्या प्रसिद्ध हॉरर स्टोरी 'फ्रीक शो'मध्येही दिसली आहे. ज्योती सध्या अभिनय आणि मॉडेलिंग करते.

Jyoti Amage
PM Modi In Wardha: काँग्रेस आणि इंडिया आघाडीची विचारसरणी विकासविरोधी, वर्ध्यात PM मोदींचा हल्लाबोल

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com