मावळ लोकसभा मतदारसंघात मराठा समाजाने ठाेकला शड्डू, उमेदवार निवडीचे सर्वाधिकार जरांगे पाटलांना

Maval Lok Sabha Constituency :

मावळ विधानसभा क्षेत्रातील सकल मराठा समाजाची बैठक लोणावळ्यात नुकतीच झाली. मावळ लोकसभा निवडणुकीच्या पार्श्वभूमीवर या बैठकीला महत्व प्राप्त झाले असून सकल मराठा समाजाच्या वतीने मावळ लोकसभा मतदारसंघात निवडणूक लढविण्याचा निर्धार करण्यात आला. (Maharashtra Lok Sabha Election News in Marathi)

महाराष्ट्रातील मराठा समाजाला आरक्षण देण्यासंदर्भात व सगे सोयरे हा अध्यादेश काढला. त्याचे कायद्यात रूपांतर न झाल्याने मराठा समाजाची फसवणूक झाल्याची भावना मराठा समाजात आहे.

मावळातील सकल मराठा समाज देखील राज्य शासनावर प्रचंड नाराज झाला आहे. यंदाच्या लोकसभा निवडणुकीमध्ये सत्ताधाऱ्यांना त्यांची जागा दाखवून देऊ अशा स्वरूपाची भूमिका लोणावळा सकल मराठा विभागाच्या वतीने नुकतीच घेण्यात आली. यामुळे महायुती आणि महाविकास आघाडीच्या दोन्ही उमेदवार यांच्या मतांवर परिणाम होण्याची वर्तवली जात आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

मावळ विधानसभा क्षेत्रातील समाजाची भूमिका जाणून घेऊन त्याचा अहवाल आज (शनिवार) मनोज जरांगे पाटील (manoj jarange patil) यांना पाठवण्यात येणार आहे. त्यानंतर मावळ लोकसभेची दिशा ठरवण्यात येईल असेही मराठा समाजाने स्पष्ट केले.

Edited By : Siddharth Latkar