Amravati News: अमरावती लोकसभा निवडणुकीतून RPIच्या राजेंद्र गवई यांची माघार; सामान्य कार्यकर्त्याला दिली उमेदवारी

अमर घटारे, अमरावती|ता. ७ एप्रिल २०२४

Amravati Loksabha Constituency News:

अमरावती लोकसभा निवडणुकीत रिपब्लिकन पार्टी ऑफ इंडियाचे राष्ट्रीय सरचिटणीस डॉ. राजेंद्र गवई यांनी निवडणुकीतून माघार घेतली आहे. आता डॉ. राजेंद्र गवई यांनी त्यांच्या आरपीआय पक्षातील एका सामान्य कार्यकर्त्याला लोकसभेची उमेदवारी घोषित केली आहे.

याबाबत सविस्तर माहिती अशी की, रिपब्लिकन पार्टी ऑफ इंडियाचे राष्ट्रीय सरचिटणीस डॉ. राजेंद्र गवई यांनी अमरावती लोकसभा मतदार संघातून निवडणूक लढण्याचे जाहीर केले होते. मात्र आता डॉ. राजेंद्र गवई यांनी या निवडणुकीतून माघार घेतली आहे. तसेच डॉ. राजेंद्र गवई यांनी त्यांच्या पक्षातील एका सामान्य कार्यकर्त्याला लोकसभेची उमेदवारी घोषित केली आहे.

तत्पुर्वी राजेंद्र गवई यांनी प्रकाश आंबेडकर (Prakash Ambedkar) यांना पाठिंबा मागितला होता मात्र प्रकाश आंबेडकर यांनी घराणेशाहीला विरोध केला असल्याने गवई यांनी त्यांच्या पक्षातील एका सामान्य कार्यकर्त्याला लोकसभेची उमेदवारी दिली आहे. त्यामुळे आता वंचित बहुजन आघाडीला राजेंद्र गवई यांच्या उमेदवारीला पाठिंबा देण्याची विनंती केली आहे.

दरम्यान, गवई यांनी माघार घेतल्यानंतर आता प्रकाश आंबेडकर राजेंद्र गवई यांच्या आरपीआयला पाठींबा देणार का? याकडे सर्वांचे लक्ष लागले आहे. तसेच राजेंद्र गवई यांनी निवडणुकीतून माघार घेतल्याने महाविकास आघाडीच्या (Mahavikas Aaghadi) बळवंत वानखडे यांना मोठा दिलासा मिळाला आहे. (Maharashtra Loksabha Election 2024)