Loksabha Election Result: मोठी बातमी! सुजय विखेंना जोर का झटका; निलेश लंकेंची जोरदार मुसंडी

सुशिल थोरात, अहमदनगर|ता. ४ जून २०२४

 2024च्या लोकसभा निवडणुकीचे निकाल काही तासांतच स्पष्ट होणार आहे. सकाळी 7 वाजल्यापासून मोतमोजणीला सुरुवात झाली आहे. सुरुवातीच्या कलांनुसार भाजपला महाराष्ट्रात मोठा धक्का बसण्याची शक्यता आहे. राज्याचे लक्ष लागलेल्या नगर दक्षिण लोकसभा मतदार संघात निलेश लंके यांनी सुजय विखे पाटलांना जोर का झटका देत मोठी आघाडी घेतली आहे.

नगर दक्षिण लोकसभा मतदार संघात राष्ट्रवादी शरदचंद्र पवार पक्षाचे निलेश लंके विरुद्ध महायुतीचे सुजय विखे यांच्यामध्ये अटीतटीची लढत होत आहे. सुरूवातीच्या कलानुसार निलेश लंंके यांनी सुजय विखे यांना जोरदार टक्कर देत मोठी आघाडी घेतली आहे.

अहमदनगरमध्ये मतमोजणीच्या ११ व्या फेरीत निलेश लंके ९००० मतांनी आघाडीवर होते. त्यानंतर 15 व्या फेरीअखेर निलेश लंके 15753 मतांनी आघाडी घेतली आहे. त्यामुळे सुजय विखेंची धाकधुक चांगलीच वाढली आहे.

दरम्यान, साताऱ्यामध्ये मोठा उलटफेर झाला असून छत्रपती उदयनराजे भोसले यांनी मोठी आघाडी घेतली आहे. सुरूवातीला शशिकांत शिंदे यांनी मोठी आघाडी घेतली होती. त्यानंतर आता उदयनराजे भोसले यांनी जोरदार मुसंडी मारल्याचे दिसत आहे. मतदानात आघाडी घेतल्यानंतर उदयनराजे भोसले यांच्या समर्थकांकडून जोरदार जल्लोष केला जात आहे.