Maharashatra Election : माढाचा तिढा अखेर सुटला; महाविकास आघाडीचा उमेदवार ठरला, धैर्यशील मोहिते आखाड्यात

Dhairyashil Mohite Patil joins Sharad Pawar Group:

महाविकास आघाडीचा माढाचा तिढा शरद पवार यांनी सोडवलाय. धैर्यशील मोहिते पाटील यांना शरद पवारांच्या राष्ट्रवादी काँग्रेसमध्ये प्रवेश दिला. मोहिते पाटील यांची अधिकृत उमेदवारी घोषित करत हा तिढा सोडवलाय. जयंत पाटील यांच्या उपस्थितीत धैर्यशील मोहिते यांनी केला शरद पवारांच्या राष्ट्रवादी काँग्रेस पक्षात प्रवेश केला. जयंत पाटील यांनी विजयसिंह मोहिते यांच्या गळ्यात पक्षाचं उपरणे घालतं त्यांचं स्वागत केलं.

जयंत पाटील यांनी राष्ट्रवादी काँग्रेस शरदचंद्र पवार पक्षात तुमचे स्वागत असल्याचं म्हणत मोहिते पाटील हे माढातील अधिकृत उमेदवार असतील असं जाहीर केलं. धैर्यशील मोहिते पाटील १६ तारखेला प्रचाराचा नारळ फोडणार आहेत. धैर्यशील मोहिते पाटील यांनी भापच्या नेते पदाचा राजीनामा देत शरद पवार गटात प्रवेश केला. एक दिवसापूर्वी त्यांनी राष्ट्रवादी काँग्रेसचे (शरदचंद्र पवार भाग) अध्यक्ष शरद पवार यांची भेट घेतली होती. मात्र भाजपला रामराम ठोकण्यामागे वैयक्तिक कारणे दिली आहेत. धैर्यशील यांनी भारतीय जनता पक्षाच्या सोलापूर जिल्ह्याचे सरचिटणीसपद भुषवले आहे. माळशिरस विधानसभा निवडणूक प्रमुखपदाचीही जबाबदारी त्यांच्याकडे होती.