Amol Kolhe: बारामतीत रंगला 'तुतारी'चा वाद! पराभव दिसत असल्यानेच महायुतीकडून रडीचा डाव; अमोल कोल्हेंचा घणाघात

Baramati Loksabha Election 2024: सोहेल शेख या अपक्ष उमेदवारालाही तुतारी चिन्ह दिल्याने राष्ट्रवादी शरदचंद्र पवार पक्षाने आक्षेप घेतला आहे. यावरुनच शिरुर लोकसभेचे उमेदवार अमोल कोल्हे यांनी विरोधकांवर हल्लाबोल केला आहे.
Amol Kolhe On Ajit pawar
Amol Kolhe On Ajit pawarSaam Tv

पुणे|ता. २३ एप्रिल २०२४

बारामती लोकसभा मतदार संघामध्ये तुतारी चिन्हावरुन नवा वाद उभा राहिला आहे. महाविकास आघाडीच्या उमेदवार सुप्रिया सुळे या 'तुतारी वाजवणारा माणूस' चिन्हावर निवडणूक लढवत आहेत. अशातच सोहेल शेख या अपक्ष उमेदवारालाही तुतारी चिन्ह दिल्याने राष्ट्रवादी शरदचंद्र पवार पक्षाने आक्षेप घेतला आहे. यावरुनच शिरुर लोकसभेचे उमेदवार अमोल कोल्हे यांनी विरोधकांवर हल्लाबोल केला आहे.

बारामती लोकसभा मतदारसंघात सुप्रिया सुळे यांच्या विरोधात यांच्याविरोधात शरद पवार नावाचे अपक्ष उमेदवार रिंगणात आहेत. तसेच सोहेल शेख यांना तुतारी चिन्ह देण्यात आले आहे. यावरुन सुप्रिया सुळे यांना बारामती लोकसभा मतदारसंघात घेरण्याचा प्रयत्न केला जातोय, असा आरोप राष्ट्रवादीने केला आहे. यावर बोलताना अमोल कोल्हे यांनी अजित पवारांसह महायुतीवर जोरदार टीका केली आहे.

काय म्हणाले अमोल कोल्हे?

"महायुतीचे मी आभार मानतो, कारण त्यांनी आपला पराभव स्विकारला आहे. पराभव समोर दिसत असल्याने अशाप्रकारे रडीचे डाव खेळले जात आहेत का? असा प्रश्न मनात येईल. परंतु बारामतीचा मतदार सुज्ञ आहे. त्यामुळे ते तुतारी वाजवणारा माणूस याच चिन्हावर मत देतील, ज्यांना स्वतःच्या कर्तुत्वावर विश्वास असतो, त्यांना अशा कुबड्या घेण्याची गरज पडत नाही," असा टोला अमोल कोल्हेंनी लगावला आहे.

Amol Kolhe On Ajit pawar
Nitesh Rane : मेहुण्याला वाचविण्यासाठी भाजपात येतो असं सांगायला दिल्लीला कोण गेले होते? उद्धव ठाकरेंवर नितेश राणेंचा गंभीर आराेप

दरम्यान, सुप्रिया सुळे (Supriya Sule) यांच्याकडून घेण्यात आलेला आक्षेप निवडणूक आयोगाने फेटाळून लावला आहे. तुतारी चिन्ह आणि तुतारी वाजवणारा माणूस हे दोन वेगवेगळे चिन्ह असल्याचं स्पष्टीकरण निवडणूक आयोगाकडून देण्यात आले आहे. त्यामुळे बारामतीतले अपक्ष उमेदवार सोयल शहा युनुस शहा शेख यांना तुतारी चिन्ह मिळणार असल्याचे स्पष्ट झाले आहे.

Amol Kolhe On Ajit pawar
Devendra Fadnavis : उद्धव ठाकरेंना तोंडाच्या वाफा काढण्याशिवाय काही जमत नाही; देवेंद्र फडणवीसांची टीका

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com