Rahul Narwekar: मी गवळींच्या अखिल भारतीय सेनेचा नवीन सदस्य, विधानसभा अध्यक्ष राहुल नार्वेकर यांचे वक्तव्य

Lok Sabha Election 2024:

>> सुरज मसुरकर

मी गवळींच्या अखिल भारतीय सेनेचा नवीन सदस्य, असं विधानसभा अध्यक्ष राहुल नार्वेकर म्हणाले आहेत. दक्षिण मुंबई लोकसभा मतदारसंघात अखिल भारतीय सेना आणि भाजपच्या संयुक्त कार्यक्रमात ते असं म्हणाले आहेत. यावेळी त्यांच्यासोबत अभिला भारतीय सेनेच्या नेत्या आणि अरुण गवळी यांच्या कन्या गीता गवळी, या देखील मंचावर उपस्थित होत्या.

राहुल नार्वेकर म्हणाले आहेत की,''मी गेली २० वर्ष सुप्रीम कोर्ट आणि हायकोर्टात प्रॅक्टिस करत आलोय. विधानसभेचा अध्यक्ष आहे. मला माझे अधिकार माहित आहेत. अखिल भारतीय सेनेची साथ मी कधीही सोडणार नाही.''

ते म्हणाले, ''अखिल भारतीय सेनेच्या परिवारात आज एक नवीन सदस्य जोडला आहे, असं आपण समजा. आमच्या बहिणीला (गीता गवळी यांना) आमची साथ फक्त लोकसभेपुरती नाही, तर त्या मुंबईच्या महापौर होत नाही, तोपर्यंत आम्ही देत राहू.''x