Pankaja Munde: 'ही शेवटची संधी मला द्या, पाच वर्ष मी घरी बसले, पण तळतळ जीव तुटत होता', पंकजा मुंडेंची मतदारांना भावनिक साद

Beed Lok Sabha: ''घडी गेली की पीडी जाते. पाच वर्ष मी घरी बसले, पण तळतळ जीव तुटत होता तुमच्यासाठी'', असं म्हणत आज भाजपच्या बीड लोकसभा मतदारसंघाच्या उमेदवार पंकजा मुंडे यांनी आपल्या भावना व्यक्त केल्या आहेत.
Pankaja Munde
Pankaja MundeSaam Tv

Pankaja Munde News:

''घडी गेली की पीडी जाते. पाच वर्ष मी घरी बसले, पण तळतळ जीव तुटत होता तुमच्यासाठी'', असं म्हणत आज भाजपच्या बीड लोकसभा मतदारसंघाच्या उमेदवार पंकजा मुंडे यांनी आपल्या भावना व्यक्त केल्या आहेत. बीड येतील प्रचार सभेला संबोधित करत त्यांनी मतदारांना भावनिक साद घालत, मी एवढंच म्हणेन, पदर पसरून ही शेवटची संधी मला द्या, असं म्हटलं आहे.

यावेळी त्या म्हणाल्या आहेत की, ''पंकजा मुंडेंना म्हणजे गोपीनाथ मुंडेंना मतदान असं मी म्हणणं नाही. कारण माझ्या वडिलांचा चुकून जर अवमान होणार असेल, तर तो मी या जन्मात करणार नाही. मी म्हणजे गोपीनाथ मुंडे नाही, मात्र त्यांची स्वप्न माझ्या डोळ्यात आहेत. जे तुमच्यासाठी होते, ते पूर्ण करण्याची अशी संधी येणार नाही. घडी गेली की पीडी जाते. पाच वर्ष मी पाच वर्ष मी घरी बसले, पण तळतळ जीव तुटत होता तुमच्यासाठी.''

Pankaja Munde
Lok Sabha Election : दुसऱ्या टप्प्यातील निवडणुकीचा प्रचार संपला, शुक्रवारी होणार मतदान; राहुल गांधीसह या दिग्गजांच्या प्रतिष्ठा पणाला

उपस्थित लोकांना संबोधित करत त्या म्हणाल्या की, ''मला एक रुपयाचीही लालसा नाही. लालसा फक्त एकाच गोष्टीची आहे, तो चार तारखेचा अपूर्ण राहिलेला जो किस्सा आहे, तो पूर्ण करायचा आहे. दूध पोळल्यावर ताकही फुंकून पितो माणूस. त्यामुळे ही निवडणूक सोप्पी आहे, इतके लाख देऊ, तितके लाख देऊ, प्रत्येकजण बोलतोय. मात्र तुम्ही (कार्यकर्ते) डोळ्यात तेल घालून लक्ष ठेवा, इथं प्रत्येकजन जे बोलतोय आणि त्याच्या आजूबाजूचे लोकं काय करत आहेत.''

Pankaja Munde
Baramati Lok Sabha: सुनेत्रा पवारांसाठी राज ठाकरे मैदानात, बारामतीत ठाकरेंची तोफ धडाडणार

पंकजा मुंडे म्हणाल्या की, ''धनंजय मुंडे बोलत असतांना मी समोर सुंदर चंद्र पहात होते, त्यावर काळे ढग आले होते, मात्र क्षणभर थांबून ते निघून गेले. तसे काळे ढग आपल्या विकासावर आले नाही पाहिजे, अन्यथा विकास होणार नाही.'' कार्यकर्त्यांना संबोधित करताना त्या म्हणाल्या, तुम्ही प्रीतम, येशू, धनंजय, आर्यमन पेक्षाही प्रिय आहात.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com