Rahul Gandhi On Constitution
Rahul Gandhi On Constitution Saam Tv

Rahul Gandhi: भाजपचे नेते उघडपणे सांगतात की, ते सत्तेवर आल्यास संविधान बदलू: राहुल गांधी

Rahul Gandhi On Pm Modi: काँग्रेस नेते राहुल गांधी यांनी शुक्रवारी तामिळनाडूमध्ये एका निवडणूक प्रचार सभेला संबोधित करताना केंद्रातील भाजप सरकारवर जोरदार हल्लाबोल केला आहे.

Rahul Gandhi On Constitution:

काँग्रेस नेते राहुल गांधी यांनी शुक्रवारी तामिळनाडूमध्ये एका निवडणूक प्रचार सभेला संबोधित करताना केंद्रातील भाजप सरकारवर जोरदार हल्लाबोल केला आहे. भाजप सत्तेत आल्यास भारताचे संविधान बदलेल, असे ते म्हणाले.

राहुल गांधी म्हणाले की, पंतप्रधान मोदींना फक्त या देशाच्या अर्थ आणि संचार प्रणालीवर त्यांची मक्तेदारी असावी, याची काळजी आहे. ते म्हणाले आहेत की, भाजप नेते उघडपणे सांगतात की ते पुन्हा सत्तेत आले तर संविधान बदलू.

Rahul Gandhi On Constitution
Maharashtra Politics: लढणाऱ्या लेकींसाठी 'बाप' बुलंद कहाणी, शिंदे-पवारांनी सोलापूर-बारामतीची सूत्रे घेतली हाती

ते म्हणाले की, पूर्वी संपूर्ण जग भारताला लोकशाहीचा प्रकाश स्तंभ म्हणायचे. ते आज म्हणतात की भारतात आता लोकशाही राहिलेली नाही. राहुल म्हणाले की, भारतात विचारधारेचे युद्ध सुरू आहे. एकीकडे न्याय, स्वातंत्र्य आणि समता याचं समर्थन करणाऱ्या पेरियार आणि इ.व्ही. रामासामी यांच्या विचारधारेचे लोक आहेत. दुसरीकडे आरआरएस, पंतप्रधान मोदी आणि त्यांचे सरकार आहे.

राहुल गांधी पुढे आरोप करत म्हटलं की, पंतप्रधान मोदी आणि त्यांचा पक्ष 'एक राष्ट्र, एक नेता आणि एक भाषा' या विचारसरणीसाठी उभा आहे. राहुल म्हणाले की, भारतात अनेक भाषा, संस्कृती आणि इतिहास आहे. आपल्यासाठी सर्व काही समान आणि महत्त्वाचे आहे. यावरूनच हा लढा सुरू आहे. तमिळ, बंगाली आणि देशातील इतर भाषांशिवाय भारत पूर्ण होऊ शकत नाही.

Rahul Gandhi On Constitution
Nashik Lok Sabha: नाशिकचा तिढा कायम; इच्छुकांच्या भेटींचा सिलसिला सुरूच, शिवसेनेत नेमकं काय चाललंय?

ते म्हणाले की, केंद्र सरकार ईडी, सीबीआय आणि आयटीचा राजकीय शस्त्रे म्हणून वापर करत आहे. निवडणूक आयुक्तांची नियुक्ती पंतप्रधान स्वतः करतात. काँग्रेसची बँक खाती गोठवण्यात आली. दिल्लीचे मुख्यमंत्री अरविंद केजरीवाल यांना अटक करण्यात आली. विरोधी पक्षाच्या नेत्यांना धमक्या दिल्या जात आहेत.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Marathi News Saam TV
saamtv.esakal.com