पूर्वी लोक आपले प्रेम व्यक्त करण्यासाठी तसेच आपल्या प्रेयसी किंवा प्रियकराशी बोलण्यासाठी पत्र लिहित असे. पत्रातून भावना व्यक्त करण्यास एक वेगळाच आनंद आहे. पण आता टेक्नॉलॉजीच्या वापरामुळे सर्व ऑनलाइन होत असल्यामुळे ही प्रेम भावना अनुभवणे कुठे तरी दूर होत आहे. आता ऑनलाइन प्रेम जुळून ऑनलाइन लग्न केले जाते. अशात तुमच्या रुसलेल्या प्रेयसीला मनवण्यासाठी तुम्ही पत्राची मदत घेतल्यास तुमच्या प्रेमाला चार चाँद लागतील.
भावना व्यक्त करणे
डिजिटल विकासामुळे एकमेकांशी बोलणे सोपे झाले आहे. पण वैयक्तिकरित्या भेटण्याचे प्रमाण कमी झाले आहे. अशात तुमच्या भावना जोडीदारापर्यंत पोहचवण्यासाठी तुम्ही पत्र लिहू शकता. कागदावर लिहिलेल्या भावना मेसेज आणि इमोजीपेक्षा जास्त फास्ट तुमच्या जोडीदारापर्यंत पोहचतील. कारण तुम्ही लिहिलेल्या पत्रात तुमचा स्पर्श किंवा सहवास असतो.
प्रेमपत्राचा अनुभव
डिजिटल मेसेजपेक्षा प्रेमपत्र केव्हाही चांगले असते. कारण प्रेमपत्र तुम्ही जपून तुमच्या जवळ एक छान आठवण म्हणून ठेवू शकता. त्याचा वारंवार अनुभव घेऊ शकता. जे लोक बोलण्यातून आपल्या भावना जोडीदाराला सांगू शकत नाही त्या लोकांसाठी हा एक उत्तम मार्ग आहे. या मार्गामुळे तुमच्या भावना व्यक्त होतील आणि समोरच्याला तुमचे प्रेम समजेल.
तुमचे जोडीदारासाठी केलेले प्रयत्न
रुसलेल्या प्रेयसीला मनवण्यासाठी तुम्ही जर पत्र लिहिलात तर तुम्ही तिच्यासाठी घेतलेली मेहनत तिला आवडेल. कारण मुलींना छोट्या छोट्या गोष्टीतून मोठा आनंद मिळतो. पत्रातून आपण कोणत्याही बंधनाशिवाय मोकळेपणाने आपल्या भावना सांगू शकतो. एक कागदाचा तुकडा तुमचे आयुष्य बदलू शकतो. कारण आजच्या काळात कदाचित कोणीतरीच पेन-कागद घेऊन पत्र लिहित असेल. अशा परिस्थित जर तुम्ही प्रेयसीसाठी पत्र लिहिलात तर ही खूप खास भावना असेल. तुम्हाला माहित असेल की, प्रेमपत्रांना वैयक्तिक स्पर्श असतो. आपल्या जोडीदाराच्या भावनांची सखोलता त्या पत्रातून आणि शब्दातून आपल्याला दिसत असते.
प्रेमपत्र कसे लिहावे?
प्रेम पत्राची सुरुवात छान चारोळीने करावी.
प्रेमपत्र लिहिताना तुमच्या चांगल्या आठवणींपासून सुरुवात करावी.
केलेल्या चुकीसाठी छान शब्दात माफी मागावी.
प्रेमपत्र कधीही स्वतः च्या हस्ताक्षरात लिहावे.
प्रेमपत्रात शब्दांची परवा न करता मनमोकळेपणाने आपल्या भावना मांडा.
तुमचा जोडीदार समोर असताना न बोलू शकणाऱ्या गोष्टी पत्राद्वारे त्यांच्या पर्यंत पोहचवा.
तुमच्या जोडीदाराबद्दल तुम्ही काय विचार करता हे लिहा.
प्रेमपत्राला छान सुगंधी तुम्ही वापरत असलेला परफ्यूम लावा.
प्रेमपत्रात एक छान गुलाबाचे फुल ठेवा.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.