Navi Mumbai Crime: ११ वर्षांनी मोठी प्रेयसी, लग्नाचा हट्ट आणि आक्षेपार्ह फोटो; प्रियकराने केली प्रेयसीची हत्या

Lover killed 35 Year Old Woman In Navi Mumbai

महाराष्ट्रातील नवी मुंबईतील एका लॉजमध्ये ३५ वर्षीय महिलेचा मृतदेह आढळल्याने खळबळ उडाली आहे. मृतदेह सापडल्यानंतर अवघ्या काही दिवसांनी पोलिसांनी आता या प्रकरणाचा खुलासा केला आहे. महिलेचा गळा आवळून खून करण्यात आला होता. खुनाच्या आरोपाखाली पोलिसांनी एकाला अटक केली आहे. पोलिसांनी दिलेल्या माहितीनुसार, अटक करण्यात आलेल्या आरोपीचे त्या महिलेशी संबंध होते. (Latest Marathi News)

घटना केव्हा घडली

९ जानेवारी रोजी एका महिलेचा मृतदेह लॉजमध्ये आढळून आला होता. हे प्रकरण नवी मुंबईतील तुर्भे भागातील आहे. जिथे ९ जानेवारीला एका ३५ वर्षीय महिलेचा मृतदेह लॉजच्या खोलीत सापडला होता. तेव्हापासून पोलीस या प्रकरणाचा तपास करत होते. महिलेसोबत लॉजवर गेलेल्या व्यक्तीचा पोलीस शोध घेत होते. आता आठवडाभरानंतर पोलिसांनी या प्रकरणाचा खुलासा करत २४ वर्षीय आरोपी सोहेब कलाम शेख याला अटक केली आहे. आरोपी हा साकीनाका, मुंबई येथील रहिवासी आहे.  ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

प्रेयसीशी लग्न करण्याचा हट्ट

माध्यमांना माहिती देताना नवी मुंबई पोलीस अधिकाऱ्याने सांगितले की, या खून प्रकरणाच्या प्राथमिक तपासात पीडित आणि आरोपीचे संबंध असल्याचं समोर आलं आहे. आरोपीला त्या महिलेशी लग्न करायचे (navi mumbai) होते. त्याला तिच्यावर लग्नासाठी दबाव आणायचा होता. त्याने महिलेला तिची वैयक्तिक छायाचित्रे तिच्या नातेवाईकांना पाठवण्याची धमकी दिली होती. ती त्याच्यापेक्षा ११ वर्षांनी मोठी आहे.

ही छायाचित्रे तिचे आई आणि बहिणीला पाठवल्याचे आरोपीने सांगितलेच नाही तर त्याचे प्रात्यक्षिकही दाखवले. पोलिसांनी दिलेल्या माहितीनुसार, आरोपी तरुणाने नुकतेच तिचे काही फोटो महिलेच्या आई आणि बहिणीला पाठवले होते आणि तिला ब्लॅकमेल करण्यास सुरुवात केली (crime) होती. पोलीस अधिकाऱ्याने सांगितले की, ८ जानेवारी रोजी आरोपी आणि महिला एका लॉजवर गेले होते, तेथे त्यांच्यात जोरदार वाद झाला. त्याचवेळी आरोपी मुलाचा संयम सुटला आणि त्याने रागाच्या भरात महिलेचा गळा आवळून खून केला. नंतर त्याने घटनास्थळावरून पळ काढला.

आरोपीला अटक

घटनेची माहिती मिळताच नवी मुंबई पोलिसांच्या पथकाने घटनास्थळ गाठले. त्यांनी या महिलेचा मृतदेह ताब्यात घेऊन पोस्टमॉर्टमसाठी पाठवला. त्यानंतर पोलिसांनी या खून प्रकरणाचा तपास सुरू (crime) केला. सीसीटीव्ही आणि विविध पुराव्यांच्या मदतीने अखेर पोलीस आरोपींपर्यंत पोहोचले. गुप्त माहितीच्या आधारे पोलिसांनी आरोपीला अटक केली.

आरोपीच्या एका आठवड्याच्या पोलीस कोठडीत स्थानिक पोलीस अधिकाऱ्याने सांगितलं की, अटक केलेल्या तरुणाविरुद्ध भारतीय दंड संहिता (आयपीसी) कलम 302 (हत्या) अंतर्गत गुन्हा दाखल करण्यात आला आहे. अटकेनंतर पोलिसांनी आरोपीला स्थानिक न्यायालयात हजर केले, तेथून त्याला एका आठवड्याची पोलीस कोठडी सुनावण्यात आली (navi mumbai)आहे. आता पोलीस या खून प्रकरणातील सर्व लिंक जोडण्याचा प्रयत्न करत आहेत.