ATM Machine : 'हे' आहे जगातील सर्वात उंच एटीएम, गिनीज वर्ल्ड रेकॉर्डने ही घेतली दखल

आजच्या काळात एटीएम किती उपयुक्त आहे हे तुम्हाला माहीत असेलच. त्याचा सर्वात मोठा फायदा हा आहे की लोक दिवसा किंवा रात्री कधीही पैसे काढू शकतात. तुम्हाला जवळपास सर्वत्र एटीएम सापडतील, पण तुम्हाला माहित आहे का की, जगातील (World) सर्वात उंच एटीएम कुठे आहे आणि लोक तिथे कसे जातात? (Latest Marathi News)

तुम्हाला हे जाणून आश्चर्य वाटेल की जगातील सर्वात उंच 'कॅश मशीन' म्हणजेच ATM चीन आणि पाकिस्तानमधील (Pakistan) खंजराब पासच्या सीमेवर आहे आणि येथे येण्यासाठी लोकांना डोगररांगातून जावे लागते.

4693 मीटर उंचीवर बांधलेले हे एटीएम 2016 मध्ये बसवण्यात आले होते. इतक्या उंचीवर असल्याने या एटीएमचे नाव गिनीज वर्ल्ड रेकॉर्डमध्ये नोंदवले गेले आहे.

हे एटीएम 'नॅशनल बँक ऑफ पाकिस्तान'ने बसवले आहे. एवढ्या उंचीच्या परिसरात विजेची सोय नसल्याने हे एटीएम चालवण्यासाठी सौरऊर्जा आणि पवन ऊर्जेची मदत घेण्यात आली आहे.

एटीएम मशिनचा वापर नागरिक, सीमा सुरक्षा दल आणि सीमाभागाजवळ राहणारे पर्यटक करत आहेत. यासोबतच ते पर्यटकांना स्वतःकडे आकर्षित करते. या एटीएममधून पैसे काढणाऱ्या अनेक पर्यटकांनी 'आकाशातून पैसे काढल्यासारखे' वाटत असल्याचे सांगितले. या एटीएमला भेट देणे आणि येथून पैसे काढतानाची छायाचित्रे क्लिक करून त्यांना त्यांच्या आठवणींमध्ये जपणे पर्यटक हा सन्मान मानतात.

एटीएमचे निरीक्षण करणाऱ्या एका महिला अधिकाऱ्याने बीबीसीला सांगितले की हा प्रकल्प पूर्ण होण्यासाठी सुमारे चार महिने लागले. येथून सर्वात जवळील NBP बँक ८७ किलोमीटर अंतरावर आहे. खराब हवामान, अवघड डोंगररांगा आणि दरड कोसळून बँकर्स पैसे काढण्यासाठी या एटीएममध्ये जातात. त्यांनी सांगितले की, येथून 15 दिवसांत सरासरी 40-50 लाख रुपये काढले जातात.