महिलांनो, पावसाळ्यात योनीमार्गाचे संक्रमण रोखण्यासाठी करा 'हे' सोपे उपाय

Women Health Tips : पावसाळा (Monsoon) तसा खुप मजेदार असतो, पण पावसाळ्यात संसर्गजन्य आजारही ठरलेलेच असतात. अशावेळी आपण सावध असणेही गरजेचे असते. विशेषत महिलांनी (Womens Health Tips) पावसाळ्यात आपल्या आरोग्याची (Health) आणि शरीराची काळजी घेतलीच पाहिजे. पावसाळ्यात महिलांनी आपल्या गुप्तांगाची विशेष काळजी घेतली पाहिजे. पावसाळ्यात महिलांना योनीमार्गांतील संक्रमणा (Vaginal Infections) सारख्या समस्यांना सामोरे जावे लागते. तुम्हालाही पावसाळ्यात अशा समस्या उद्भवत असतील तर, त्यासाठी उपाय योजना करायला हव्यात. (Here's a simple way to avoid vaginal infections during the monsoon)

- योनीमार्गांतील संक्रमण होण्याचे कारण

कॅन्डिडा अल्बिकन्स नावाची एक बुरशी सर्व महिलांच्या योनीमध्ये असते. कधीकधी त्याची संख्या खूप वेगाने वाढण्यास सुरवात होते, ज्यामुळे खाज सुटणे, जळजळ होणे आणि पुरळ येणे यासारख्या समस्या उद्भवतात.

संक्रमण न होण्यासाठी काय कराल

- योनी कोरडी ठेवा

लघवी झाल्यानंतर लघवीचे थेंब थेंब बहुतेक वेळा अंडरवेअरमध्ये जातात. ज्यामुळे आजूबाजूच्या जागेत आर्द्रता कायम राहते. यामुळे संक्रमणाचा धोका सर्वाधिक आहे. अशा परिस्थितीत लघवीनंतर योनीतून नेहमी टिशू पेपरने कोरडे करणे महत्वाचे आहे.

- योग्य कपडे वापरा

तुम्हाला संसर्गाची समस्या असल्यास घट्ट कपडे घालणे टाळा. यासह सिंथेटिक अंडरवियरऐवजी कॉटन अंडरवेअर घाला. रात्री सैल कपडे घालण्याचा प्रयत्न करा.

- ब्लेड वापरणे टाळा- गुप्तांग स्वच्छ करण्यासाठी कधीही रेझर वापरू नका. यामुळे केस खूप कडक होतात, ज्यामुळे आपल्याला खाज सुटण्याची समस्या उद्भवू शकते.

हायड्रेटेड रहा - भरपूर पाणी प्या. हे शरीरातील सर्व संक्रमण काढून टाकते. यासह मसालेदार पदार्थांचे सेवन करू नका. यामुळे शरीराची पीएच पातळी असंतुलित होते. ज्यामुळे तुमच्या गुप्तांगामधून दुर्गंध येण्यास सुरुवात होते.

वैयक्तिक स्वच्छतेची विशेष काळजी घ्या.

मासिक पाळीदरम्यान वैयक्तिक स्वच्छतेची विशेष काळजी घ्या. आपल्या गरजेनुसार सॅनिटरी पॅड 4 ते 6 तासांच्या अंतराने बदला. सुगंधी पॅन्टी लाइनर वापरू नका. योनीला फक्त साध्या पाण्याने धुवा, साबण वापरू नका. जर नवरा-बायको दोघांनाही संसर्ग झाला असेल तर सहवासातून दूर रहा.

चांगल्या प्रतीचे सूती अंडरगारमेंट वापरा

पोहल्यानंतर खाजगी भाग स्वच्छ करण्याची विशेष काळजी घ्या. संक्रमणादरम्यान पोहण्यापासून दूर राहणे चांगले आणि आंघोळ करताना बाथटब न वापरणे चांगले. नेहमीच. वॉशिंग मशीनऐवजी असे कपडे हाताने धुवा आणि नेहमी उन्हात वाळवा.

- दिवसातून दोनदा अंडरगारमेंट्स बदला

उन्हाळ्याच्या हंगामात अति घाम येणे दिवसातून दोनदा अंडरगारमेंट्स बदला कारण घाम येणे देखील या संसर्गास कारणीभूत आहे. लांब प्रवासादरम्यान वैयक्तिक स्वच्छतेबद्दल विशेष काळजी घ्या. मिठाई, शीतपेय आणि चॉकलेट, पेस्ट्री यासारख्या गोष्टींचा वापर मर्यादित करा.

- स्वत:च्या मनाने कोणतेही औषध वापरू नका

खाज सुटण्यासारखी लक्षणे दिसल्यास स्वत:च्या मनाने कोणतेही औषध वापरू नका. कोणतीही लक्षणे दिसल्यास, विलंब न करता स्त्रीरोग तज्ञाचा सल्ला घ्या. काही औषधे आणि मलमांच्या उपयोगाने ही समस्या लवकरच दूर होते परंतु उपचार अपूर्ण करु नका आणि डॉक्टरांनी दिलेल्या सर्व सूचनांचे अनुसरण करा.

Edited By- Anuradha