जेव्हा शरीरात कोणतीही समस्या असते तेव्हा त्याची काही लक्षणं लघवीमध्ये दिसून येतात. लघवीमध्ये बदल आणि लघवी करताना येणाऱ्या समस्या हे एखाद्या गंभीर आजाराचं लक्षण असू शकतं. त्यामुळे लघवीमध्ये दिसणाऱ्या बदलांकडे दुर्लक्ष करू नये. अधूनमधून लघवी होणं किंवा खूप कमी प्रमाणात लघवी होणं हे देखील एक गंभीर लक्षण आहे जे आजारांचं लक्षण असू शकतं. आजकाल लोकांची जीवनशैली आणि खाण्याच्या सवयी वेगाने बदलतायत. ज्याचा त्यांच्या आरोग्यावरही परिणाम होतो.
अयोग्य आहार आणि जीवनशैलीचा विशेषतः महिलांच्या आरोग्यावर मोठा परिणाम होत असतो. महिलांना किडनीशी संबंधित समस्यांचा धोका जास्त असतो. अयोग्य आहार आणि जीवनशैलीमुळे महिलांमध्ये लघवीशी संबंधित समस्या वाढतात. काही प्रमाणात थांबून थांबून लघवी होण्याची समस्या सर्व वयोगटातील महिलांमध्ये उद्भवू शकते. या समस्येकडे दुर्लक्ष करणे आरोग्यासाठी धोकादायक ठरू शकतं. महिलांमध्ये थांबून थांबून लघवी होणं हे कोणत्या आजारांचं लक्षणं असू शकतं ते पाहूयात.
मधुमेहामुळे लघवीशी संबंधित समस्या देखील वाढू शकतात. मधुमेही रुग्णांमध्ये रक्तातील साखरेच्या पातळीत चढ-उतार झाल्याने तुम्हाला वारंवार लघवीची समस्या उद्भवू शकते. यावेळी थांबून थांबून लघवी होणं किंवा कमी प्रमाणात लघवी होणं ही समस्या असू शकतं.
कमी प्रमाणात लघवी तयार होणं आणि अधूनमधून लघवी होणं ही समस्या बॅक्टेरियामुळे होण्याची शक्यता आहे. त्यामुळे युरिनरी ट्रॅक इन्फेक्शनच्या रूग्णांना हा त्रास जाणवू शकतो.
महिलांच्या शरीरात हार्मोन्सची पातळी सतत बदलत असते. रजोनिवृत्ती दरम्यान हार्मोन्सच्या पातळीत चढ-उतार देखील होतात. अशावेळी एखाद्या महिलेच्या शरीरातील इस्ट्रोजेनची पातळी कमी झाल्यास थांबून-थांबून लघवी होण्यासारख्या समस्या उद्भवू शकतात.
लघवीशी संबंधित समस्या किडनी संबंधित काही समस्यांचं लक्षण देखील असू शकतं. ज्यावेळी किडनीमध्ये खडे तयार होतात तेव्हा त्यामुळे संसर्ग वाढतो. परिणामी थांबून-थांबून लघवी होण्याची समस्या उद्भवू शकते.
टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.