Winter Beauty Tips : हिवाळ्यात त्वचा कोरडी पडते? हे घरगुती उपाय करुन पाहा, लगेच दिसेल फरक

Skin Care Tips :

हिवाळा ऋतू सुरु झाला असून राज्यातील अनेक भागात थंडी जाणवू लागली आहे. अशावेळी बरेचदा त्वचेच्या काळजीकडे दुर्लक्ष केले जाते. बदलत्या ऋतूनुसार त्वचा कोरडी पडते ज्यामुळे आपल्याला सतत खाज सुटते.

या काळात त्वचा जितकी मॉइश्चराइज आणि हायड्रेट ठेवाल तितके तुमच्यासाठी चांगले असेल. या ऋतूमध्ये खाण्यापिण्याच्या सवयींचीही विशेष काळजी घ्यायला हवी. व्हिटॅमिन सीचा आहारात समावेश करावा. जाणून घेऊया त्वचेची काळजी कशी घ्यायला हवी. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

1. गरम पाण्याचा वापर करा

हिवाळ्यात गरम पाण्याने आंघोळ केली जाते. परंतु, गरम पाणी अधिक गरम असू नये. यामुळे त्वचेचे (Skin) नुकसान होते. गरम पाण्यामुळे तुमची त्वचा कोरडी पडू शकते. या ऋतूमध्ये कोमट पाण्याने आंघोळ करावी.

2. दिनचर्या कशी असायला हवी?

ऋतूनुसार त्वचेची काळजी (Care) घेण्यासाठी दैनंदिन जीवनात बदल करणे आवश्यक आहे. त्वचा कोरडी किंवा तेलकट असेल तर दिनचर्या ठरवा. या काळात पपई, सफरचंद, डाळिंब, केळी इत्यादी काही अशी फळे आहेत ज्याचा वापर त्वचेसाठी आपण करु शकतो. या फळांमध्ये भरपूर अँटिऑक्सिडंट्स असतात आणि मॉइश्चरायझिंग गुणधर्म देखील असतात. ज्यामुळे त्वचा अधिक चमकण्यास मदत होते.

3. मॉइश्चरायझर वापरा

त्वचेच्या प्रकारानुसार मॉइश्चरायझर वापरा. तुमची त्वचा तेलकट असेल तर तुम्ही पावडर आधारित मॉइश्चरायझर वापरा. जर त्वचा कोरडी असेल तर तुम्ही क्रीम आधारित मॉइश्चरायझर वापरावे.

4. थंड हवेपासून संरक्षण

हिवाळ्यात (Winter Season) वातावरणात गारवा अधिक असतो. या वेळी त्वचेत कोरडेपणा जाणवू लागतो. यामुळे त्वचा लाल होणे, फुटणे किंवा रखरखीत होण्याच्या समस्येला सामोरे जावे लागते. यासाठी त्वचेला चांगले मॉइश्चरायझ करता येते.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा