Dahi Handi 2023 : गोविंदा रे गोपाळा..., जन्माष्टमीच्या दुसऱ्या दिवशीचं दहीहंडी का साजरी केली जाते?

Dahihandi Date 2023:

श्रावण महिन्यातील सगळ्यांचा आवडता सण दहीहंडी. श्रावण महिन्यात येणाऱ्या कृष्ण पक्षात येणाऱ्या अष्टमीला जन्माष्टमी साजरी केली जाते. यावर्षी हा उत्साह ६ आणि ७ सप्टेंबरला साजरा केला जाणार आहे.

दहीहंडी हा सण अगदी थाटामाटात भारतभर साजरा केला जातो. हा सण लहान मुलांच्या करमणुकीचा एक भाग मानला जातो. परंतु, सध्या प्रत्येक भागात मोठं मोठ्या पद्धतीने दहीहंडीचे थर गोविंदा पथक लावतात आणि प्रथम येणाऱ्या पथकाला पैसे देखील दिले जातात.

1. जन्माष्टमीच्या दुसऱ्या दिवशी दहीहंडी हा सण का साजरा केला जातो?

दहीहंडी हा सण श्रीकृष्ण जन्माष्टमीच्या (Janmashtami) जयंती दिनी साजरा केला जातो. हा सण मोठ्या उत्साहात मथुरेत आणि द्वारकानगरीत साजरा करण्यात येतो. या उत्साहात बाळगोपाळ लहानपणी शेजाऱ्यांच्या घरचे दही (Curd), दूध आणि लोणी चोरून खात होते, असे म्हटले जाते. दहीहंडीच्या दिवशी मडके फोडण्याची प्रथा आहे. दहीहंडी फोडणाऱ्या लहान मुलाला बाळगोपाळाच्या रुपात समजले जाते. ज्याद्वारे श्रीकृष्णाची पूजा केली जाते. दहीहंडीच्या माध्यमातून श्रीकृष्णाच्या बाल लीलाचे रुप पुन्हा पाहावयास मिळते.

2. यंदा दहीहंडी कधी आहे?

श्रावण कृष्ण पक्षातील अष्टमीला दहीहंडीचा सण मोठ्या जल्लोषात साजरा केला जाईल. श्रीकृष्णाचा जन्म रात्री मध्यंतरी झाला आहे. यंदा हा सण ६ आणि ७ सप्टेंबरला या दोन्ही दिवशी साजरा करण्यात येणार आहे. या सण प्रामुख्याने जन्माष्टमीच्या दुसऱ्या दिवशी साजरा (Celebrate) केला जातो.