आश्विन महिन्यातील शुक्ल पक्षाच्या दशमी तिथीला विजयादशमी अर्थात दसरा साजरा केला जातो. हा सण सत्य आणि धर्माच्या विजयाचे प्रतीक मानला जातो. पुराणकथेनुसार, याच दिवशी भगवान श्रीरामांनी रावणाचा वध करून सीता माता हिला त्याच्या कैदेतून मुक्त केलं होतं. तेव्हापासून हा दिवस वाईटावर चांगुलपणाचा विजय म्हणून साजरा करण्याची परंपरा आहे.
या वर्षी आश्विन शुक्ल दशमीची तिथी 1 ऑक्टोबर, बुधवार संध्याकाळी 7.02 वाजता सुरू होऊन 2 ऑक्टोबर, गुरुवार सायंकाळी 7.11 वाजता संपणार आहे. त्यामुळे 2 ऑक्टोबर 2025 रोजी दशहरा साजरा केला जाणार आहे. या दिवशी रावणासोबतच कुंभकर्ण आणि मेघनाद यांच्या पुतळ्यांचेही दहन केलं जातं.
2 ऑक्टोबर रोजीच अपराजिता पूजन तसंच देवी दुर्गेच्या जया आणि विजया याचं पूजा केली जाईल. त्याच दिवशी आयुध पूजनाचाही शास्त्रोक्त नियम आहे. या वेळी प्रदोषकालात रावण दहन करणे शुभ मानले गेले आहे. यावर्षी रावण दहनाचा योग्य वेळ सायंकाळी 6.30 ते रात्री 8.30 या कालावधीत असेल.
त्रेतायुगात या दिवशी श्रीरामांनी रावणाचा वध करून धर्माचा विजय आणि अधर्माचा पराभव घडवून आणला. तेव्हापासून दरवर्षी या तिथीला रावण दहन करून समाजात संदेश दिला जातो की, अधर्म कितीही बलवान असला तरी शेवटी धर्माचाच विजय होतो.
नवरात्रीच्या सुरुवातीला जो कलश स्थापन करून जव पेरले जातात. त्यांचं विसर्जन दशमीला केले जाते. विसर्जनाआधी थोडेसे जौ घेऊन लाल कापडात बांधावेत. त्यात पाच नाणी ठेवून एक छोटी पोटली तयार करावी आणि ती आपल्या तिजोरीत किंवा धन ठेवण्याच्या ठिकाणी ठेवावी. असा विश्वास आहे की या उपायामुळे महालक्ष्मीची कृपा लाभते, आर्थिक अडचणी दूर होतात आणि घरातील समृद्धी वाढते.
(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.