हिंदू पंचांगानुसार आषाढ महिन्यात येणारी शुद्ध एकादशी ही देवशयनी एकादशी म्हणून ओळखली जाते. यावर्षी ही एकादशी रविवारी म्हणजेच ६ जुलै २०२५ रविवार रोजी साजरी केली जाणार आहे. या दिवशी भगवान विष्णू चार महिन्यांसाठी योगनिद्रेत जातात. शिवाय याच वेळी चातुर्मास सुरू होतो. चातुर्मास म्हणजे धार्मिक दृष्टिकोनातून मांगलिक कामांवर निर्बंध येणारा काळ.
देवशयनी एकादशी हा दिवस अत्यंत पवित्र मानला जातो. पौराणिक मान्यतेनुसार, भगवान विष्णू या दिवशी क्षीरसागरात शेषनागावर झोपतात आणि चार महिने योगनिद्रेत राहतात. या चार महिन्यांत विवाह, मुंडन, गृहप्रवेश, वास्तुशांती, नववधू प्रवेश यांसारख्या शुभकार्यांवर बंदी असते. कारण देव झोपलेले असताना शुभ कार्य करणं अपशकुन मानलं जातं.
देवशयनी एकादशीला उपवास केल्याने फार मोठं पुण्य मिळतं, असं मानण्यात येतं. असं म्हणतात की, या दिवशी भगवान विष्णूची भक्तिभावाने पूजा केल्यास सर्व पापं धुतली जातात. याशिवाय सर्व अडचणी दूर होतात. जीवनात येणारे अडथळे दूर होतात आणि इच्छित फळाची प्राप्ती होते.
या दिवशी भक्तांनी उपवास करून सकाळपासून भगवान विष्णूच्या नामस्मरणात लीन राहावं. यावेळी त्यांच्या प्रतीमा अथवा फोटोसमोर तुलसी पत्र, फळ, पिवळा फुलं, पिवळा नैवेद्य अर्पण करून विधीवत पूजा करावी. विष्णू सहस्रनाम किंवा विष्णू स्तोत्राचं पठण केल्याने अधिक पुण्य मिळतं.
२०२५ मध्ये देवशयनी एकादशीच्या दिवशी रवि योग देखील निर्माण होतोय. जो फारच शुभ मानला जातो. हा शुभ संयोग चांगल्या गोष्टींची सुरुवात, मानसिक शांती, आणि अध्यात्मिक उन्नतीसाठी लाभदायक मानला जातो. या दिवशी केलेल्या संकल्पांचा फलप्राप्तीवर परिणाम अधिक प्रभावी असतो, असं ज्योतिष मानतात.
एकादशी तिथी सुरू- ५ जुलै शनिवार, संध्याकाळी ६:२८ वाजता
एकादशी तिथी समाप्त- ६ जुलै रविवार, रात्री ८:२२ वाजता
पूजा करण्याचा शुभ मुहूर्त- सकाळी ६:५६ ते ११:५९ या वेळेत
अभिजीत मुहूर्त: दुपारी ११:३३ ते १२:२७
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.