Surya Grahan Dream: स्वप्नात सूर्य आणि चंद्रग्रहण पाहण्याचा अर्थ काय; जाणून घ्या स्वप्नशास्त्रात काय म्हटलंय?

आपल्याला पडणाऱ्या स्वप्नांचं एक वेगळंच जग असतं. स्वप्नशास्त्रानुसार, आपल्याला पडणाऱ्या प्रत्येक स्वप्नाचा एक अर्थ असतो. आपण पाहत असलेल्या घटनांचे अर्थ स्वप्न शास्त्रात स्पष्ट करण्यात आलंय. आज आपण स्वप्नांमध्ये सूर्य आणि चंद्रग्रहण पाहण्याचा अर्थ काय असतो हे सांगणार आहोत. या स्वप्नांचे नकारात्मक परिणाम टाळण्यासाठी आपण कोणते उपाय करावेत हे देखील आपण स्पष्ट करू.

स्वप्नात सूर्यग्रहण दिसण्याचा अर्थ

जर तुम्हाला कधी पूर्ण सूर्यग्रहणाचं स्वप्न पडलं तर याचा अर्थ असा की, तुमच्या आयुष्यात मोठा बदल घडू शकतो. यावेळी तुमचे नातेसंबंध तुटू शकतात. स्वप्नात आंशिक सूर्यग्रहण पाहणं म्हणजे तुम्हाला जीवनात अडचणी येणार आहेत. परंतु तुम्हाला त्यावर उपाय सापडतील.

सूर्यग्रहण आणि तुमच्याभोवती अंधार दिसणं हे स्वप्नशास्त्रात आर्थिक नुकसानीचं लक्षण मानण्यात येतं. सूर्यग्रहण पाहणं आणि ग्रहणानंतर पूर्ण सूर्य पाहणं म्हणजे तुमच्या अडचणी संपणार आहेत. हे स्वप्न सकारात्मक मानण्यात येतं.

स्वप्नात सूर्यग्रहण दिसल्यानंतर हे उपाय करा

• तांब्याच्या भांड्यात सूर्याला जल अर्पण करा.

• आदित्य हृदय स्तोत्राचं पठण करा.

• सूर्य ग्रहाच्या मंत्रांचा जप करा.

• गूळ, धान्य, कपडे इत्यादी दान करा

स्वप्नात चंद्रग्रहण पाहण्याचा अर्थ

जर तुम्हाला पूर्ण चंद्रग्रहणाचं स्वप्न पडलं तर तुम्हाला मानसिक समस्यांना सामोरं जावं लागू शकतं. असं स्वप्न पडल्यानंतर पैशांचं नुकसान देखील होऊ शकतं. चंद्र हा मनाचा कारक मानला जातो. म्हणून स्वप्नात चंद्रग्रहण दिसल्याने तुमच्या आयुष्यात दुःख येऊ शकतं आणि तुम्ही स्वतःला लोकांपासून वेगळे वाटू शकता. हे स्वप्न तुमच्या करिअर आणि आरोग्यासाठी देखील चांगलं मानण्यात येतं.

स्वप्नात चंद्रग्रहण दिसल्यास हे उपाय करा

• चंद्र ग्रहाच्या मंत्राचा जप करा ‘ओम श्रम श्रीं श्रम सह चंद्रमसे नमः’.

• दूध, दही, पांढरे कपडे दान करा.

• भगवान शिवाची पूजा करा

• शिवलिंगावर जल अर्पण करा.

• चंद्राला जल अर्पण करा.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)