Valentine Day 2026: प्रेमाच्या आठवड्याची सुरुवात कधी होणार? जाणून घ्या प्रत्येक दिवस का आहे खास?

फेब्रुवारी महिना सुरू झाला की प्रेमाची चाहूल आपोआप लागते. कॅलेंडर पाहून नाही, तर मनातल्या भावना पाहूनच हा महिना खास वाटतो. हवेत गुलाबांचा सुगंध, मोबाईलवर येणारे गुलाबी हार्टचे इमोजी आणि नात्यांमध्ये येणारी हलकीशी गोडी...याच वातावरणात Valentine वीक 2026 येत आहे. प्रेम व्यक्त करण्यासाठी छोट्या-छोट्या क्षणांचा हा संपूर्ण आठवडा असतो.

Valentine वीकची सुरुवात 7 फेब्रुवारी रोज डे पासून होते. या दिवशी गुलाब देऊन आपल्या भावना व्यक्त केल्या जातात. कोणी जोडीदारासाठी, तर कोणी मित्र-मैत्रिणींसाठी किंवा क्रशसाठी गुलाब देऊन त्यांचे आयुष्यातील महत्त्व सांगतो. त्यानंतर 8 फेब्रुवारीला प्रपोज डे येतो. हा दिवस मनातली गोष्ट सांगण्यासाठी, प्रेम व्यक्त करण्यासाठी खास मानला जातो.

9 फेब्रुवारी चॉकलेट डे नात्यांमध्ये गोडवा आणतो. छोटंसं चॉकलेटही त्या नात्यातली कडवटपणा दूर करू शकतं. 10 फेब्रुवारी टेडी डे रोजच्या धावपळीत थोडीशी माया आणि निरागसतेची आठवण करून देतो. मऊसूत टेडी प्रेमाचं गोंडस प्रतीक मानलं जातं. 11 फेब्रुवारी प्रॉमिस डे. या दिवशी एकमेकांना दिलेली आश्वासनं, विश्वास आणि साथ यांना महत्त्व असतं.

12 फेब्रुवारी हग डे भावनांना शब्दांशिवाय व्यक्त करण्याचा दिवस असतो. एका मिठीतून खूप काही सांगितलं जातं. 13 फेब्रुवारी किस डे नात्यातील जवळीक आणि विश्वास अधिक घट्ट करतो. आणि शेवटी येतो 14 फेब्रुवारी वॅलेंटाइन डे. हा दिवस प्रेमाचा एक मोठा उत्सव म्हणून साजरा केला जातो. नात्याचा स्वीकार, एकत्र असण्याचा आनंद आणि भावना मोकळेपणाने व्यक्त करण्याचा हा क्षण असतो.