तुम्हालाही पावसाळ्यात सर्दी-खोकला होतो का? मग हे ५ उपाय ट्राय कराच

Monsoon Care tips : रखरखत्या उन्हाळ्यापेक्षा पावसाळा (Monsoon) तितकाच आल्हाददायक असतो. पण पावसाळा अनेक घातक संसर्गजन्य आजारही (viral Infectious) घेऊन येतो. ज्याचे आपल्या आरोग्यावर घातक परिणामही दिसून येतात. वायू प्रदूषणाची पातळीत प्रचंड वाढ झाल्याचे दिसत आहे. तर दुसरीकडे रोग प्रतिकारशक्ती (Immunity) कमी होत आहे, तेव्हा एखाद्याच्या आरोग्यावर होणारे हानिकारक परिणाम कसे रोखता येतील, हे जाणून घेणे महत्त्वाचे आहे. (Try these 5 remedies for cold and cough in monsoon)

देशात गेल्या वर्षभरापासून सुरु असलेला कोरोनाचा कहर आणि पावसाळ्यात होणारी सर्दी- खोकला यासारख्या किरकोळ लक्षणांपासून दूर राहण्यासाठी शरीरातील रोगप्रतिकार शक्तीदेखील वाढली पाहिजे. यासाठी काही घरगुती सोपे उपाय करुनदेखील तुम्ही तुमची रोगप्रतिकारशक्तीत वाढ करु शकता. यासाठी तुम्हाला कोणतीही महागडी औषधे आणण्याचीदेखील गरज नाही. आपल्या घरात स्वयंपाकघरातील साहित्यासह सहजपणे उपलब्ध असलेले पदार्थच तुमची रोगप्रतिकार शक्ती वाढवू शकतात.

तुम्ही जे काही बनवत आहात, त्यात आल्याचे तुकडे टाका.

आल्यामध्ये दाहक-विरोधी गुणधर्म आहेत जे मळमळ आणि वेदना कमी करतात. हे नाक साफ करण्यास आणि खोकला कमी करण्यास देखील मदत करते.

कोमट पाणी प्या

शाळेत आणि कार्यालयात जाणाऱ्यांनी दररोज एक चमचा आले, जिरे, बडीशेप आणि कोथिंबीर पाण्यात उकळवा आणि दिवसभर प्या.

तुळशीची पाने खा

तुळशी ही एक प्राचीन आयुर्वेदिक औषधी वनस्पती आहे जी रोगांवर उपचार करते. या वनस्पतीच्या पानांमध्ये जादुई उपचार गुणधर्म आहेत. म्हणून, दररोज तीन ते चार तुळशीची पाने चघळत रहा. किंवा तुम्ही मधासह पेस्ट बनवूनही हे चाटण म्हणून घेऊ शकता. हे चाटण दिवसभर थोडे थोडे घेतल्यास खोकला आणि शिंकण्यापासून आराम मिळतो.

हळद मदत करते

हळद हा आपल्या दैनंदिन वापरात आढळणारा सर्वात बहुपयोगी मसाल्यांपैकी एक पदार्थ आहे. यात दाहक-विरोधी गुणधर्म आहेत जे कोणत्याही आजारातून त्वरीत बरे होण्यास मदत करते. यासाठी तुम्ही अर्धा चमचा हळद मधामध्ये मिसळून दिवसातून दोनदा घेऊ शकता.

कडूनिंब खाण्याचा प्रयत्न करा

खोकला आणि शिंका यासारख्या समस्यांसाठी कडुनिंब हादेखील एक उत्तम औषधी वनस्पती आहे. रोज सकाळी रिकाम्या पोटी 5-6 कडुनिंबाची पाने चावा. कडुनिंब हानिकारक प्रदूषकांना शोषून घेण्यास खूप चांगला आहे.

या पद्धतींचा अवलंब करून, आपण या पावसाळ्यात होणाऱ्या सर्दी आणि खोकल्यासारख्या समस्यां पासून सहज दूर राहू शकता.

Edited By- Anuradha