TRAI चं नवीन DND App! आता फ्रॉड आणि फेक कॉलपासून मिळणार ग्राहकांना दिलासा, या महिन्यापासून योजना लागू

Fake And Fraud Calls :

मोबाईल युजर्ससाठी एक मोठा दिलासा असणार आहे, कारण DND म्हणजेच डू-नॉट-डिस्टर्ब अ‍ॅप सेवा भारतीय दूरसंचार नियामक प्राधिकरण म्हणजेच TRAI द्वारे मार्च 2024 पासून भारतात सुरू होत आहे. ही सेवा सर्व अँड्रॉइड स्मार्टफोन (Smartphone) युजर्ससाठी उपलब्ध असेल. आम्ही तुम्हाला सांगतो की डीएनसी अ‍ॅप सेवा सुरू करण्याची मागणी बऱ्याच दिवसांपासून होत होती, पण अखेर ती अँड्रॉइड यूजर्ससाठी सुरू करण्यात आली आहे.('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

अँड्रॉइड यूजर्सना ही सुविधा मिळणार आहे

भारतीय दूरसंचार नियामक प्राधिकरण (TRAI) ची नवीन DND (डू-नॉट-डिस्टर्ब) अ‍ॅप ​​सेवा प्रथम Android युजर्ससाठी उपलब्ध असेल. iOS युजर्सना सध्या या सेवेसाठी प्रतीक्षा करावी लागणार आहे. अ‍ॅपलने ट्रायच्या DND अ‍ॅप सेवेला कॉल (Call) लॉगमध्ये प्रवेश देण्यास नकार दिला आहे.

त्यामुळे iOS उपकरणांवर DND अ‍ॅप सेवा सुरू होण्यास विलंब होत आहे. ट्रायचे सचिव व्ही रघुनंदन म्हणतात की लवकरच iOS उपकरणांसाठी DND सेवा सुरू केली जाईल. ट्राय आणि अ‍ॅपल यांच्यात चर्चा सुरू आहे.

काय फायदा होईल?

DND अ‍ॅप सेवा सुरू झाल्यानंतर तुम्हाला अनावश्यक मेसेज आणि कॉल्सपासून मुक्ती मिळेल. सध्या फेक कॉल आणि मेसेज ही मोठी समस्या बनली आहे. अशा स्थितीत ट्रायकडून नवीन अ‍ॅप आधारित उपाय आणला जात आहे. आम्ही तुम्हाला सांगतो की ट्राय पायलट प्रोजेक्ट अंतर्गत DND सेवा चालवत आहे, जेणेकरून अ‍ॅपमधील उणिवा वेळेत सुधारता येतील. यानंतर, हे अ‍ॅप मार्चमध्ये सर्व वापरकर्त्यांसाठी उपलब्ध केले जाईल.

ते कसे कार्य करेल

DND अ‍ॅपला तुमच्या मोबाइल फोनच्या कॉल लॉगमध्ये प्रवेश आवश्यक असेल. याच्या मदतीने तुमच्या मोबाईलमधील कोणते कॉल आणि मेसेज फेक आहेत हे अ‍ॅप शोधू शकणार आहे.