10 Digit Number Ban : आपल्यापैकी बरेच लोक Spam आणि Fraud कॉल्सपासून त्रस्त आहोत. या कॉल्समुळे आपला वेळही वाया जातो व आपली फसवणूकही होत राहाते. प्रमोशनल कॉल आणि एसएमएस वापरकर्त्यांना सतत येत असतात.
दूरसंचार कंपन्या वापरकर्त्यांना जाहिरात, कॉल किंवा संदेश पाठवण्याच्या बाबतीत विचार करत नाही. साहजिकच यामुळे वापरकर्त्यांना खूप त्रास होतो. मात्र, आता भारतीय दूरसंचार नियामक प्राधिकरणाने ( TRAI ) या समस्येतून सुटका करण्याची तयारी केली आहे.
TRAI ने 10 अंकी निवडलेला मोबाईल (Mobile) क्रमांक बंद करण्याचा निर्णय घेतला आहे. ट्रायच्या या निर्णयामुळे टेलिमार्केटिंग कंपन्यांना मोठा झटका बसणार आहे. वापरकर्त्यांकडून येणारे अवांछित कॉल किंवा संदेश रोखण्यासाठी ट्रायने कठोर पावले उचलली आहेत.
आम्ही तुम्हाला सांगतो की, टेलिकॉम कंपन्यांना (Company) एक विशेष क्रमांक दिला जातो, जो सामान्य क्रमांकापेक्षा वेगळा असतो. जेव्हा अशा नंबरवरून कॉल किंवा संदेश येतात, तेव्हा वापरकर्त्यांना सहजपणे कळू शकते की हा एक प्रचार क्रमांक आहे. तसेच, काही कंपन्या नियमांकडे दुर्लक्ष करतात आणि Fraud कॉल किंवा संदेशांसाठी 10 अंकी सामान्य मोबाइल नंबर वापरतात.
1. ट्रायने कठोर पावले उचलली
वापरकर्त्यांना त्रास देणाऱ्या कॉल्स (Call) आणि मेसेजबाबत ट्रायने कठोर भूमिका घेतली आहे. कंपन्यांच्या बळजबरीला तोंड देण्यासाठी आणि वापरकर्त्यांना दिलासा देण्यासाठी ट्रायला कठोर निर्णय घ्यावा लागला. TRAI ने एक आदेश जारी केला आहे, ज्या अंतर्गत टेलीमार्केटर्सना 10 अंकी मोबाईल नंबर वापरणे बंद करावे लागेल. यासाठी दूरसंचार नियामक मंडळाने ३० दिवसांची मुदत दिली आहे.
2. नियम न पाळल्यास कडक कारवाई
३० दिवसांच्या मुदतीनंतरही कोणत्याही कंपनीने १० अंकी सामान्य मोबाइल क्रमांक प्रमोशनसाठी वापरला तर त्याच्यावर कठोर कारवाई केली जाईल. TRAI ने सर्व टेलिकॉम कंपन्यांना प्रमोशनल कॉलसाठी वापरण्यात येणारे अनोंदणीकृत नंबर ब्लॉक करण्यासाठी नोटीस बजावली आहे.
3. ३० दिवसात नंबर बंद होईल
ट्रायने दूरसंचार कंपन्यांना कॉल आणि मेसेज करण्याच्या सूचनाही जारी केल्या आहेत, जेणेकरून वापरकर्त्यांना ते प्रमोशनल असल्याचे सहज समजू शकेल. ट्रायने सर्व नियमांचे पालन करण्यासाठी ३० दिवसांची मुदत दिली आहे. त्यानंतर नियमांचे उल्लंघन केल्यास कारवाई केली जाईल. ट्रायच्या ताज्या निर्णयामुळे वापरकर्ते स्पष्टपणे सुटकेचा नि:श्वास टाकतील.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.