Colon cancer: त्वचेवर दिसणारे हे संकेत दर्शवतात कॅन्सरचा धोका, वेळीच ओळखा चेहऱ्यावर दिसणारे बदल

कोलन कॅन्सर म्हणजेच कोलोरेक्टल कॅन्सर हा जगभरात वेगाने वाढणाऱ्या कॅन्सरपैकी एक मानला जातो. साधारणपणे लोकं पोटदुखी, मलविसर्जनाच्या सवयींमध्ये बदल किंवा शौचात रक्त येणं अशा समस्यांकडे पाहतात. मात्र तज्ज्ञ सांगतात की, अनेकदा कोलोन कॅन्सरची लक्षणं तुमच्या त्वचेवरही दिसून येतात.

जर त्वचेवर लालसरपणा, गाठी, रंग बदलणं किंवा न भरून येणाऱ्या जखमा दिसल्या तर त्याकडे दुर्लक्ष करणं धोकादायक ठरू शकतं. चला पाहूया त्वचेवर दिसणारे कोणते बदल कोलन कॅन्सरकडे इशारा करतात आणि त्यांना दुर्लक्षित करणं किती गंभीर ठरू शकतं.

त्वचेवर कोलन कॅन्सरचा परिणाम

त्वचा अनेकदा शरीरात कोणत्या समस्या सुरु आहेत हे दर्शवतं. कोलन कॅन्सरमध्ये त्वचेवर बदल अनेक कारणांनी होऊ शकतात. जसं की, कॅन्सर पेशींचा प्रसार, शरीराची प्रतिकारशक्तीची प्रतिक्रिया किंवा कॅन्सर उपचारांचा परिणाम. हे बदल शरीराच्या धडावर, हातांवर किंवा पायांवर दिसू शकतात. यामध्ये त्वचा हलकी लालसर होणं तर कधी कठीण गाठ किंवा उघडी जखम याप्रमाणे दिसतात.

तज्ज्ञांच्या म्हणण्यानुसार, ज्या व्यक्तींच्या कुटुंबात कोलन कॅन्सरचा इतिहास आहे किंवा जीवनशैलीशी संबंधित धोके आहेत त्यांनी या संकेतांकडे विशेष लक्ष दिलं पाहिजे. वेळेवर लक्षणं ओळखल्यास उपचार सोपे होण्यास मदत होते.

कोलन कॅन्सरची त्वचेवर दिसून येणारी लक्षणं

कटेनियस नोड्यूल्स

अनेकदा कोलन कॅन्सरच्या पेशी त्वचेवर पसरून कठीण गाठी निर्माण करतात. या गाठी आकाराने वेगवेगळ्या असू शकतात आणि कधी कधी वेदनादायकही ठरतात. कॅन्सर मूळ जागेपासून पुढे पसरत असल्याचा हा संकेत आहे.

एरिथेमा आणि इन्फ्लेमेटरी रॅशेस

एरिथेमा म्हणजे त्वचेवर लालसरपणा आणि सूज. कोलन कॅन्सर असल्यास शरीराच्या इम्यून प्रतिक्रियेमुळे असं लक्षणं दिसून येऊ शकतं. हे पॅच सामान्य रॅशसारखे दिसले तरी ते दीर्घकाळ टिकतात.

हायपरपिगमेंटेशन आणि डिस्कलरेशन

काही वेळा त्वचेचा रंग गडद होतो. हे शरीरातील मेटाबॉलिक बदल किंवा कॅन्सर उपचारांचा परिणाम असू शकतो. हे बदल हळूहळू हात किंवा चेहऱ्यावर दिसू लागतात.

डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत.