छातीत वेदना हे ब्लॉकेजचे संकेत आहेत
पायात गोळे येणे हृदयाशी संबंधित असू शकते
सतत थकवा हृदयाच्या कमजोरीचे लक्षण आहे
आजच्या धावपळीच्या आणि तणावपूर्ण जीवनशैलीत अनेक लोक स्वतःची विशेषतः हृदयाची काळजी घेत नाहीत. सततचा ताणतणाव, चुकीचा आहार, धूम्रपान, कमी झोप, व्यायामाचा अभाव हे सर्व घटक आपल्या हृदयाच्या आरोग्यावर हळूहळू वाईट परिणाम करतात. याच कारणामुळे दरवर्षी जगभरातील लाखो लोक हृदयाच्या आजारांच्या कचाट्याच सापडतात. हृदयविकार केवळ जीवघेणे नसतात, तर ते आपल्या जीवनाची गुणवत्ता देखील कमी करतात.
सध्याच्या काळात वैद्यकीय क्षेत्र खूप प्रगत झालं असून हृदयविकारांच्या उपचारांसाठी आधुनिक तंत्रज्ञान उपलब्ध आहे. त्यापैकीच एक अत्यंत प्रभावी उपचार म्हणजे एंजियोप्लास्टी. या प्रक्रियेमुळे लाखो लोकांना नवजीवन मिळालंय. जर वेळेत लक्षणं ओळखता आली तर एंजियोप्लास्टीद्वारे गंभीर हृदयविकार टाळता येऊ शकतात. चला तर जाणून घेऊया अशी कोणती 5 लक्षणं आहेत जी दिसली तर एंजियोप्लास्टीची गरज असू शकते.
जर तुम्हाला वारंवार किंवा चालताना-फिरताना छातीत जळजळ, दडपण किंवा वेदना जाणवत असेल तर ते एनजायनाचं लक्षण असू शकतं. हे तेव्हा होतं, ज्यावेळी हृदयाच्या स्नायूंना पुरेसं रक्त मिळत नाही. याचा अर्थ तुमच्या हृदयाच्या धमन्यांमध्ये ब्लॉकेज असू शकतात. अशा वेळी एंजियोप्लास्टी खूप उपयुक्त ठरते.
चालताना किंवा पायऱ्या चढताना तुम्हाला पायात वेदना, गोळे येणं किंवा जडपणा जाणवत असेल तर दुर्लक्ष करू नका. हे परिफेरल आर्टरी डिसीज (PAD) चं लक्षण असू शकतं. ज्यावेळी पायांच्या धमन्यांमध्ये ब्लॉकेज होते, तेव्हा स्नायूंना पुरेसं रक्त मिळत नाही आणि त्यामुळे वेदना होतात.
जर नेहमी थकवा जाणवत असेल, काम करण्याची इच्छा होत नसेल, थोड्या प्रयत्नात श्वास घेण्यामध्ये त्रास होत असेल किंवा झोपताना अस्वस्थ जाणवत असेल तर हे केवळ अशक्तपणाचं लक्षण नाही. या लक्षणांमागे हृदय नीट कार्य करत नसण्याची शक्यता असते. एंजियोप्लास्टीद्वारे हृदयातील ब्लॉकेज दूर केल्यास रक्त आणि ऑक्सिजनचा प्रवाह सुधारतो.
जर तुमची ब्लड प्रेशर औषधे घेऊनही नियंत्रणात येत नसेल तर हे हृदयविकाराचे संकेत असू शकतं. सातत्याने उच्च रक्तदाबामुळे धमन्या जाड व कडक होतात, ज्यामुळे ब्लॉकेजची शक्यता वाढते. यामुळे हृदयावर जास्त ताण येतो आणि हार्ट अटॅकचा धोका वाढतो. अशा परिस्थितीत एंजियोप्लास्टीद्वारे रक्तप्रवाह सुधरवणं आणि हृदयावरील ताण कमी करणं महत्त्वाचं असतं.
होय, मसूड्यांच्या आजारांचा आणि हृदयाच्या आरोग्याचा खोल संबंध असू शकतो. जर वारंवार मसूडे दुखत असतील, सुजत असतील किंवा त्यातून रक्त येत असेल, तर हा शरीरातील इन्फेक्शन किंवा सूज असल्याचा संकेत आहे. संशोधनानुसार, मसूड्यांमधून होणारा संसर्ग हृदयाच्या धमन्यांवरही परिणाम करतो, ज्यामुळे ब्लॉकेज आणि हृदयविकारांचा धोका वाढतो.
एंजियोप्लास्टीची गरज कधी भासते?
छातीत वेदना किंवा ब्लॉकेज असल्यास गरज भासते.
पायात गोळे येणे हृदयाशी कसे संबंधित आहे?
धमन्यांमध्ये ब्लॉकेज असल्यास पायात गोळे येतात.
सतत थकवा हृदयाचा इशारा आहे का?
होय, हा हृदयाचा गंभीर इशारा आहे.
ब्लड प्रेशर नियंत्रणात न आल्यास काय करावे?
तज्ञांचा सल्ला घेऊन तपासणी करावी.
हिरड्यांचा आजार हृदयाला कसा परिणाम करतो?
सूज आणि संसर्गामुळे धमन्यांवर परिणाम होतो.
डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.