उन्हाळ्यात फळे खाणे शरीरासाठी खूप फायदेशीर असते. कारण ती शरीराला थंडावा देतात आणि पाण्याची कमतरता भरून काढतात. पण फळे खरेदी करताना काही गोष्टी लक्षात घेतल्या नाहीत, तर आपण खराब किंवा गोड नसलेली फळे घेऊन येतो. खाली काही महत्त्वाच्या टिप्स दिल्या आहेत ज्या फळे खरेदी करताना उपयोगी ठरतील. टरबूज आणि खरबूज निवडताना गोड आहेत की नाही हे ओळखणे थोडे कठीण असते, पण काही खास टिप्स लक्षात ठेवल्यास तुम्ही योग्य फळ ओळखू शकता.
खरबूज गोड आहे की नाही?
खरबूजाची साल जर पिवळसर रंगाची असेल, तर ते सहसा अधिक गोड असते. पिवळ्या रंगावर जाळीसारखी रचना किंवा हिरवे पट्टे असतील तर ते अधिक गोड असण्याची शक्यता असते. जर साल गुळगुळीत, हिरवट आणि अतिशय चमकदार वाटत असेल, तर ते खरबूज आतून कच्चं किंवा कमी गोड असण्याची शक्यता असते. त्यामुळे खरबूज खरेदी करताना या गोष्टींची विशेष काळजी घ्या. कलिंगडाचा आकार आणि रंग पाहून तो गोड आहे का? हे ओळखता येते.
फळांचा रंग पाहून तुम्ही हे देखील शोधू शकता
फळांचा रंग हे त्याच्या पिकलेपणाचे एक महत्त्वाचे लक्षण असते. नैसर्गिकरित्या पिकलेली फळे आकर्षक आणि समसमान रंगाची असतात. रसायनांच्या वापराने पिकवलेल्या फळांचा रंग अधिक तेजस्वी किंवा अनैसर्गिक वाटतो. पिकलेले खरबूज किंवा टरबूज दिसायला थोडेसे फिकट आणि वजनाने हलके असते. नैसर्गिक फळांमध्ये त्यांचा सुगंध आणि चवही वेगळी जाणवते. उन्हाळ्यात फळे घेताना त्यांचा रंग, वास आणि वजन लक्षात घेणे फायदेशीर ठरते. योग्य निरीक्षणाने रसायनाने पिकवलेली फळे ओळखणे शक्य होते.
आंबे पिकले आहेत की नाही हे कसे ओळखावे?
आंबा हातात घ्या आणि हलके दाबा. तो थोडासा मऊ वाटला पाहिजे. आंब्याचा वास घ्या. पिकलेल्या आंब्याला गोड आणि उग्र सुगंध येतो. खालचा भाग म्हणजे देठाजवळचा भाग तपासा. सुगंध तिथून अधिक येतो. काही आंबे हिरवे असले तरी पिकलेले असतात. साल कोरडी आणि गुळगुळीत असावी. खूप ओलसर साल असणारे आंबे पिकलेले नसतात. खालचा भाग काळसर किंवा फार गडद नसेल याची खात्री करा. खूप टवटवीत, चमकदार दिसणारे आंबे कधी कधी गोड नसतात.
द्राक्षे पिकली आहेत की नाही हे कसे ओळखावे?
द्राक्षांचा रंग पाहून त्याची चव गोड की आंबट आहे हे ओळखता येते. हलक्या हिरव्या आणि पिवळ्या रंगाची द्राक्षे सामान्यतः गोड असतात. गडद रंगाची द्राक्षे बहुतेक वेळा आंबट चवदार असतात. फळे पिकल्यावर त्यांचा रंग बदलतो. रंगाच्या बदलासोबत फळाची चवही बदलते. रंग व चव यातून फळाची पिकलेली अवस्था ओळखता येते.
लिची गोड आहे की नाही हे कसे ओळखावे?
ताज्या लिचीचा रंग गुलाबी किंवा लालसर असतो. फिकट रंगाची लिची अनेकदा फिकट चवाची असते. लिचीचा आकारही तिच्या गोडपणावर परिणाम करतो. मोठ्या आणि भरदार लिची सामान्यतः अधिक गोड असते. स्पर्श करताना लिची सैल आणि मऊ वाटली पाहिजे. पिकलेली लिची आतून थोडीशी मऊ आणि रसदार असते. ताजी लिची एक मंद, गोडसर सुगंध देते. जुनी किंवा खराब लिचीमध्ये कोणताही सुगंध जाणवत नाही. लिची खरेदी करताना तिचा रंग, सुगंध, स्पर्श आणि आकार तपासावा.
Edited By - Purva Palande
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.