Hair Growth Smoothie : सततच्या केस गळतीमुळे वैतागले आहात? बायोटिन स्मूदी ठरेल फायदेशीर

Hair Falls Problem :

उन्हाळा सुरु झाला की, केसगळतीच्या अनेक समस्या वाढतात. सततच्या घामामुळे केस ओले होणे, केसात कोंडा होणे, केसांची वाढ खुटणे यांसारख्या समस्यांचा सामना करावा लागतो.

वाढत्या वयानुसार शरीरात अनेक बदल होतात. परंतु, लहान मुलांपासून ते मोठ्यांपर्यंत प्रत्येक व्यक्ती केसगळती आणि पांढऱ्या केसांच्या (Hair) समस्येमुळे त्रस्त आहेत. केसांचे सौंदर्य वाढवण्यासाठी आपण अनेक केमिकल उत्पादनांचा वापर करतो. ज्यामुळे केस खराब होतात.

बदलेली जीवनशैली (Lifestyle), चुकीचे खाणेपिणे अधिकचा तणाव यामुळे केसगळतीच्या अनेक समस्या समोरे आल्या आहे. शरीरातील जीवनसत्त्वे, प्रथिन्यांची कमतरता, औषधांचे अतिसेवन आणि थायरॉईड हे देखील कारण असू शकते. जर तुम्हालाही केस गळतीच्या समस्येचा सामना करावा लागत असेल तर यापासून सुटका मिळवण्यासाठी तुम्ही आहारात बायोटिन रिच स्मूदी ट्राय करु शकता. यामुळे केसगळती थांबेल तसेच केसांची वाढ होईल.

1. बायोटिन रिच स्मूदी रेसिपी

साहित्य

• बदाम- ४ ते ५

• अक्रोड- ४ ते ५

• भोपळ्याच्या बिया- १ टेबलस्पून

• मनुका- १ टेबलस्पून

• खजूर- २ ते ४

• अंजीर- २

• चिया सिड्स- १ टेबलस्पून

• फ्लेक्स बिया- १ टेबलस्पून

• काजू- ७ ते८,

• नारळाचे दूध- १०० मिली

2. कृती

• स्मूदी बनवण्यापूर्वी काजू, बदाम, अक्रोड, बेदाणे आणि अंजीर ३ ते ४ तास पाण्यात भिजत ठेवा.

• भिजवलेले काजू, चिया सिड्स, भोपळा सिड्स, फ्लेक्स सिड्स आणि नारळाचे दूध मिक्सरमध्ये घेऊन वाटून घ्या.

• स्मूदी घट्ट वाटत असेल तर पाणी (Water) घालून वाटू शकता. या स्मूदीमध्ये फॅटी अॅसिड, प्रथिने आणि पोषक घटक असतात. जे केसांच्या अनेक समस्यांवर फायदेशीर आहे.

3. हे लक्षात ठेवा

• तसेच आहारात अंडी, चीज, स्प्राउट्स, डाळी, चिकन आणि फिश यांचा आहारात समावेश करा.

• केसांना केमिकल फ्री शाम्पूचा वापर करा. तसेच केसांसाठी गरम पाण्याचा वापर टाळा.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.