Cucumber Side Effects: रखरखत्या उन्हात काकडीचे अतिप्रमाणात सेवन करताय? आरोग्यावर होणारे दुष्परिणामही जाणून घ्या
काकडी खाण्यामुळे होणारे नुकसान:
उन्हाळ्यात आपल्याला बाजारात काकडी सर्वत्र पाहायला मिळते. याचा आपण आहारात समावेश केल्याने उन्हापासून तसेच डिहाड्रेशनच्या समस्येपासून आराम मिळतो. काकडीमध्ये व्हिटॅमिन सी, के, पोटॅशियम, मॅग्नेशियम यांसारख्या पोषकतत्वांचा समावेश असतो.
उन्हाळ्याच्या (Summer Season) दिवसांत निरोगी राहाणे आणि शरीराचा उष्माघातापासून बचाव करणे आवश्यक असते. काकडीचे जेवढे आरोग्याला फायदे (Benefits) आहेत तितकेच नुकसान (Side Effects) देखील. याकडे कोणत्याही परिस्थितीत दुर्लक्ष करु नका. जाणून घेऊया त्याबद्दल सविस्तर
1. हायपरक्लेमिया
काकडीत पोटॅशियम मुबलक प्रमाणात आढळते. हे रक्तदाब नियंत्रित करण्यास मदत करते. याचे जास्त प्रमाणात सेवन केल्याने हायपरक्लेमिया सारख्या आरोग्याच्या समस्या उद्भवू शकतात. ज्यामुळे किडनीसह गॅस, ऍसिडीटी, पेटके येऊ शकतात.
2. डिहायड्रेशन
काकडीच्या बियांमध्ये फायबर अधिक प्रमाणात आढळून येते. यामध्ये क्युकरबिटिन नावाचे संयुग देखील जास्त प्रमाणात आढळते. त्यामुळे याचे जास्त सेवन केल्याने शरीरात पाण्याची कमतरता देखील होऊ शकते. ज्यामुळे डिहायड्रेशनच्या समस्येला सामोरे जावे लागेल.
3. बद्धकोष्ठता
तुम्हाला आहारात काकडी पचच नसेल किंवा रात्री तुम्ही याचे सेवन करत असाल तर बद्धकोष्ठतेचा त्रास होऊ शकतो. काकडी सहज पचत नाही. झोपण्यापूर्वी याचे सेवन करु नका.
4. सायनसचा त्रास
काकडी थंडगार आहे. बदलत्या हवामानात तुम्हाला खोकला, सर्दी किंवा घसा खवखवणे किंवा कफ याचा त्रास होत असेल तर याचे सेवन टाळा. यामुळे याचे सेवन करणे टाळा.
डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.